ਬਰੇਟਾ, 3 ਮਈ (ਪਾਲ ਸਿੰਘ ਮੰਡੇਰ)- ਫ਼ਸਲ ਵੇਚਣ ਤੋਂ ਬਾਅਦ ਕਿਸਾਨਾਂ, ਮਜ਼ਦੂਰਾਂ ਅਤੇ ਹੋਰ ਕਾਰੋਬਾਰੀਆਂ ਨੂੰ ਨਕਦੀ ਦੀ ਸਖ਼ਤ ਜ਼ਰੂਰਤ ਹੁੰਦੀ ਹੈ | ਪੇਂਡੂ ਅਤੇ ਗ਼ਰੀਬ ਲੋਕ ਨਕਦੀ ਰਹਿਤ ਲੈਣ-ਦੇਣ ਨਹੀਂ ਕਰ ਸਕਦੇ ਪ੍ਰੰਤੂ ਕੁਝ ਦਿਨਾਂ ਤੋਂ ਬੈਂਕਾਂ 'ਚ ਨਕਦੀ ਦੀ ਭਿਆਨਕ ਕਿੱਲਤ ਚੱਲ ਰਹੀ ਹੈ, ਜਿਸ ਕਾਰਨ ਕਈ ਵਾਰ ਪੂਰਾ ਦਿਨ ਉਡੀਕ ਕਰਨ 'ਤੇ ਵੀ ਨਕਦ ਰਕਮ ਨਹੀਂ ਮਿਲਦੀ | ਲੋਕਾਂ ਦੀ ਸਮੱਸਿਆ ਵੱਲ ਅਧਿਕਾਰੀਆਂ ਨੂੰ ਵਿਸ਼ੇਸ਼ ਯਤਨ ਕਰਨ ਦੀ ਮੰਗ ਕਰਦਿਆਂ ਜਨਤਕ, ਸਮਾਜਿਕ ਤੇ ਜਥੇਬੰਦਕ ਮੰਚ ਬਰੇਟਾ ਦੇ ਆਗੂਆਂ ਦਸੌਂਧਾ ਸਿੰਘ ਬਹਾਦਰਪੁਰ, ਅੰਮਿ੍ਤਪਾਲ ਸਿੰਘ, ਪਿ੍ੰਸੀਪਲ ਦਰਸ਼ਨ ਬਰੇਟਾ, ਸਹਿਜਪਾਲ ਸਿੰਘ ਆਦਿ ਨੇ ਵਿੱਤ ਮੰਤਰੀ ਅਤੇ ਰਿਜ਼ਰਵ ਬੈਂਕ ਤੋਂ ਬੈਂਕਾਂ ਨੂੰ ਨਕਦੀ ਦੀ ਸਪਲਾਈ ਵਧਾਉਣ ਲਈ ਤੁਰੰਤ ਕਰਵਾਈ ਕਰਨ ਦੀ ਮੰਗ ਕੀਤੀ ਹੈ |
