ਮਾਨਸਾ, 8 ਜੂਨ (ਸੱਭਿ.ਪ੍ਰਤੀ.)- ਸ੍ਰੀ ਸ਼ਕਤੀ ਕੀਰਤਨ ਮੰਡਲ ਅਤੇ ਇਸਤਰੀ ਸਤਿਸੰਗ ਸਭਾ ਜੈ ਮਾਂ ਮੰਦਰ ਵਾਲਿਆਂ ਵਲੋਂ ਸ੍ਰੀ ਮਦ ਭਾਗਵਤ ਕਥਾ ਸਥਾਨਕ ਜੈ ਮਾਂ ਮੰਦਰ ਵਿਖੇ ਸ਼ੁਰੂ ਕੀਤੀ ਗਈ ਹੈ, ਜਿਸ ਦੇ ਉਪਲਕਸ ਜੈ ਮਾਂ ਮੰਦਰ ਤੋਂ 31 ਕਲਸ਼ ਦੀ ਯਾਤਰਾ ਕੱਢੀ ਗਈ | ਇਹ ਕਲਸ਼ ਯਾਤਰਾ ਮੁਹੱਲੇ ਦੀਆਂ ਗਲੀਆਂ ਵਿਚ ਦੀ ਹੁੰਦੀ ਹੋਈ ਵਾਪਸ ਮੰਦਰ ਪਹੁੰਚੀ | ਪੰਡਿਤ ਨਵਰਾਜ ਸ਼ਾਸਤਰੀ ਵਲੋਂ ਕਲਸ਼ ਪੂਜਾ ਵਿਧੀ ਅਨੁਸਾਰ ਕਰਵਾਈ ਗਈ | ਬਿੰਦਰ ਪਾਲ ਗਰਗ ਨੇ ਦੱਸਿਆ ਕਿ 14 ਜੂਨ ਨੂੰ ਭੋਗ ਉਪਰੰਤ 12 ਵਜੇ ਲੰਗਰ ਅਤੁੱਟ ਵਰਤਾਇਆ ਜਾਵੇਗਾ |
