ਬਠਿੰਡਾ, 17 ਜੂਨ (ਵੀਰਪਾਲ ਸਿੰਘ)- ਨਿਗਰਾਨ ਇੰਜੀਨੀਅਰ ਜਲ ਅਤੇ ਸੈਨੀਟੇਸ਼ਨ ਵਿਭਾਗ ਬਠਿੰਡਾ ਵਿਖੇ ਅਮਿਤ ਕੁਮਾਰ ਗਰਗ ਦੀ ਨਿਯੁਕਤੀ ਹੋਈ ਹੈ। ਅਮਿਤ ਕੁਮਾਰ ਗਰਗ ਵਲੋਂ ਬਠਿੰਡਾ ਦਫਤਰ ਵਿਚ ਆਪਣੇ ਕੰਮਕਾਜ ਸੰਭਾਲ ਲਿਆ ਗਿਆ। ਇਸ ਮੌਕੇ ਉਨ੍ਹਾਂ ਦੀ ਨਿਯੁਕਤੀ ‘ਤੇ ਵਿਭਾਗ ਦੇ ਕਰਮਚਾਰੀ ਜਗਸੀਰ ਸਿੰਘ ਸਰਕਲ ਸੁਪਰਡੈਂਟ, ਅਮਨਦੀਪ ਸਿੰਘ (ਲੱਕੀ ਜੇਤੋ) ਅਤੇ ਵਿੱਕੀ ਵਲੋਂ ਨਿਗਰਾਨ ਇੰਜੀਨੀਅਰ ਕੇ.ਸ੍ਰੀ ਗਰਗ ਨੂੰ ਬੁੱਕਾ ਭੇਟ ਕਰਕੇ ਵਧਾਈ ਦਿੱਤੀ ਗਈ। ਸ੍ਰੀ ਗਰਗ ਵਲੋਂ ‘ਅਜੀਤ’ ਨਾਲ ਗੱਲਬਾਤ ਕਰਦੇ ਹੋਏ ਕਿਹਾ ਕਿ ਉਹ ਵਿਭਾਗ ਦੇ ਕੰਮਕਾਜ ਪੂਰੀ ਇਮਾਨਦਾਰੀ ਅਤੇ ਤਨਦੇਹੀ ਨਾਲ ਕੰਮ ਕਰਨ ਲਈ ਵਚਨਬੱਧ ਹਨ । ਉਨ੍ਹਾਂ ਦਫਤਰ ਵਿਖੇ ਪੁੱਜ ਵਧਾਈ ਦੇਣ ਵਾਲੇ ਸਾਥੀਆਂ ਦਾ ਧੰਨਵਾਦ ਕੀਤਾ ਗਿਆ ।
