ਭੁਲੱਥ, 17 ਮਈ (ਮੇਹਰ ਚੰਦ ਸਿੱਧੂ)-ਇੱਥੋਂ ਥੋੜ੍ਹੀ ਦੂਰੀ 'ਤੇ ਪੈਂਦੇ ਪਿੰਡ ਲਿੱਟਾਂ ਵਿਖੇ ਬਾਬਾ ਗੁਲਾਬ ਸ਼ਾਹ ਦੀ 56ਵੀਂ ਬਰਸੀ ਮਨਾਈ ਗਈ | ਇਸ ਮੌਕੇ ਦਰਗਾਹ ਸ਼ਰੀਫ਼ 'ਤੇ ਚਾਦਰ ਚੜ੍ਹਾਉਣ ਤੇ ਚਿਰਾਗ਼ ਰੌਸ਼ਨ ਕਰਨ ਦੀ ਰਸਮ ਅਦਾ ਕੀਤੀ ਗਈ | ਉਪਰੰਤ ਸੰਗਤਾਂ ਵੱਲੋਂ ਬਾਬਾ ਜੀ ਦੀ ਮਹਿਮਾ ਦਾ ਗੁਣਗਾਨ ਕੀਤਾ ਗਿਆ ਤੇ ਅਸਥਾਨ 'ਤੇ ਵੱਖ-ਵੱਖ ਪਕਵਾਨਾਂ ਦੇ ਲੰਗਰ ਵਰਤਾਏ ਗਏ | ਇਸ ਮੌਕੇ ਸਾਬਕਾ ਪੁਲਿਸ ਅਫ਼ਸਰ ਮੋਹਣ ਲਾਲ ਭੱਟੀ ਨੇ ਕਿਹਾ ਕਿ ਅਜਿਹੇ ਧਾਰਮਿਕ ਸਮਾਗਮ ਸਮਾਜ ਵਿਚ ਏਕਤਾ ਕਾਇਮ ਰੱਖਦੇ ਹਨ | ਇਸ ਮੌਕੇ ਰਜਿੰਦਰ ਭੱਟੀ, ਵੀ.ਕੇ. ਹੈਪੀ, ਰਜਿੰਦਰ ਸਿੱਧੂ, ਰਾਜੇਸ਼ ਕੁਮਾਰ ਭੱਟੀ, ਦਵਿੰਦਰ ਕੁਮਾਰ, ਸਤਪਾਲ ਸਿੰਘ, ਸਾਹਿਲ ਕੁਮਾਰ, ਪ੍ਰਵੀਨ, ਲਖਵੀਰ ਕੌਰ, ਊਸ਼ਾ ਰਾਣੀ, ਸੱਤਿਆ, ਪਿੰਕੀ, ਰੋਜ਼ੀ, ਵਿਨੇ ਸਿੱਧੂ, ਅਰਸ਼ਪ੍ਰੀਤ ਸਿੱਧੂ,ਰਾਜਦੀਪ ਸਿੰਘ, ਹਰਸਿਮਰ ਸਿੰਘ ਤੇ ਮਨਮੀਤ ਸਿੰਘ ਆਦਿ ਹਾਜ਼ਰ ਸਨ |
