ਨਡਾਲਾ, 22 ਮਈ (ਰਘਬਿੰਦਰ ਸਿੰਘ)-ਨੇੜਲੇ ਪਿੰਡ ਦਮੂਲੀਆਂ ਵਿਖੇ ਪੀਰ ਬਾਬਾ ਰਹਿਮਤ ਸ਼ਾਹ ਅਲੀ ਜੀ (ਚੱਕ ਸ਼ਾਹ ਕਾਲਾ) ਕਲੱਬ ਦਮੂਲੀਆਂ ਵੱਲੋਂ 21ਵਾਂ ਸਾਲਾਨਾ ਦੋ ਦਿਨਾਂ ਮੇਲਾ 24 ਅਤੇ 25 ਮਈ ਨੂੰ ਬੜੀ ਹੀ ਧੂਮਧਾਮ ਦੇ ਨਾਲ ਕਰਵਾਇਆ ਜਾ ਰਿਹਾ ਹੈ | ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਕਲੱਬ ਦੇ ਆਗੂਆਂ ਨੇ ਦੱਸਿਆ ਕਿ 24 ਮਈ ਨੂੰ ਪੰਜਾਬ ਦੇ ਪ੍ਰਸਿੱਧ ਕੱਵਾਲ ਮਾਸ਼ਾ ਕੱਵਾਲ ਫਿਰੋਜ਼ਪੁਰ ਵਾਲੇ ਅਤੇ ਸਾਬਦੀਨ ਐਂਡ ਖੁਸ਼ ਨਸੀਬ ਦੁਪਹਿਰ 1 ਵਜੇ ਤੋਂ ਆਪਣੀ ਸੂਫੀਆਨਾ ਮਹਿਫਲ ਰਾਹੀਂ ਸੰਗਤਾਂ ਨੂੰ ਮੰਤਰ ਮੁਗਧ ਕਰਨਗੇ ਇਸ ਦੌਰਾਨ ਮੇਲੇ ਦੇ ਦੂਜੇ ਤੇ ਅਖੀਰਲੇ ਦਿਨ 25 ਮਈ ਸਵੇਰੇ 9 ਵਜੇ ਝੰਡੇ ਦੀ ਰਸਮ ਅਦਾ ਕੀਤੀ ਜਾਵੇਗੀ ਉਪਰੰਤ ਹਰਿੰਦਰ ਸੰਧੂ ਐਂਡ ਅਮਨ ਧਾਲੀਵਾਲ ਅਤੇ ਰਾਜਾ ਸਿੱਧੂ ਐਂਡ ਪਾਰਟੀ ਆਪਣੇ ਮਕਬੂਲ ਗੀਤਾਂ ਰਾਹੀਂ ਆਏ ਦਰਸ਼ਕਾਂ ਦਾ ਮਨੋਰੰਜਨ ਕਰਨਗੇ | ਇਸ ਦੌਰਾਨ ਗੁਰੂ ਦਾ ਅਟੁੱਟ ਲੰਗਰ ਵੀ ਵਰਤੇਗਾ |
