ਭੰਡਾਲ ਬੇਟ 31 ਜੁਲਾਈ (ਜੋਗਿੰਦਰ ਸਿੰਘ ਜਾਤੀਕੇ)-ਬੀਤੇ ਦਿਨੀਂ ਬਲਾਕ ਸੰਮਤੀ ਫੱਤੂਢੀਂਗਾ ਦੀ ਵਾਇਸ ਚੇਅਰਮੈਨ ਦਲਜੀਤ ਕੌਰ ਵੱਲੋਂ ਦੁਬਾਰਾ ਆਮ ਆਦਮੀ ਪਾਰਟੀ ਵਿਚ ਸ਼ਾਮਿਲ ਹੋਣ ਤੋਂ ਬਾਅਦ ਫੱਤੂਢੀਂਗਾ ਬਲਾਕ ਦੇ ਰਾਣਾ ਇੰਦਰ ਪ੍ਰਤਾਪ ਸਿੰਘ ਦੇ ਧੜੇ ਦੇ ਆਗੂਆਂ ਦੀ ਅਹਿਮ ਮੀਟਿੰਗ ਹਲਕਾ ਸੁਲਤਾਨਪੁਰ ਲੋਧੀ ਦੇ ਪਿੰਡ ਕਿਸ਼ਨ ਸਿੰਘ ਵਾਲਾ ਵਿਖੇ ਹੋਈ | ਇਸ ਮੌਕੇ ਸੀਨੀਅਰ ਆਗੂ ਬੱਬੂ ਖੈੜਾ ਨੇ ਕਿਹਾ ਕਿ ਫੱਤੂਢੀਂਗਾ ਬਲਾਕ ਦੇ ਆਮ ਵੋਟਰ ਆਜ਼ਾਦ ਵਿਧਾਇਕ ਰਾਣਾ ਇੰਦਰ ਪ੍ਰਤਾਪ ਸਿੰਘ ਨਾਲ ਚਟਾਨ ਵਾਂਗ ਖੜੇ ਹਨ ਭਾਵੇਂ ਕਿ ਬਲਾਕ ਸੰਮਤੀ ਦੀ ਵਾਈਸ ਚੇਅਰਮੈਨ ਦਲਜੀਤ ਕੌਰ ਨੇ ਕੁੱਝ ਕਾਰਨਾਂ ਕਰਕੇ ਦੁਬਾਰਾ ਆਮ ਪਾਰਟੀ ਵਿਚ ਸ਼ਾਮਿਲ ਹੋਣ ਦਾ ਐਲਾਨ ਕਰ ਦਿੱਤਾ ਹੈ ਪਰੰਤੂ ਆਮ ਵੋਟਰ ਅੱਜ ਵੀ ਰਾਣਾ ਧੜੇ ਨਾਲ ਖੜੇ ਹਨ ਅਤੇ ਆਉਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਵਿਚ ਰਾਣਾ ਇੰਦਰ ਪ੍ਰਤਾਪ ਸਿੰਘ ਨੂੰ ਵੱਡੀ ਲੀਡ ਨਾਲ ਜਿਤਾਉਣਗੇ | ਇਸ ਮੌਕੇ ਸਾਬਕਾ ਸਰਪੰਚ ਸੁਖਦੇਵ ਸਿੰਘ ਕਿਸ਼ਨ ਸਿੰਘ ਵਾਲਾ , ਸਾਬਕਾ ਸਰਪੰਚ ਬਲਵਿੰਦਰ ਪਾਲ ਮੋਮੀ, ਸਾਬਕਾ ਬਲਾਕ ਸੰਮਤੀ ਮੈਂਬਰ ਨਿਰਮਲ ਸਿੰਘ ਭੱਟੀ , ਸੁਖਦੇਵ ਸੰਤੋਖ ਸਿੰਘ ਸੁੱਖਾ, ਹੀਰਾ ਸਿੰਘ ਖ਼ਾਨਪੁਰ, ਬਾਬਾ ਗੁਰਦੀਪ ਸਿੰਘ, ਹਰਭਜਨ ਲਾਲ, ਜਗਤਾਰ ਸਿੰਘ ਫ਼ੌਜੀ, ਜੀਤ ਸਿੰਘ ਆਦਿ ਹਾਜ਼ਰ ਸਨ |
