ਕੁਲਗਾਮ ਵਿਚ ਭਾਰਤੀ ਫੌਜ ਤੇ ਅੱਤਵਾਦੀਆਂ ਵਿਚਾਲੇ ਅਭਿਆਨ ਖ਼ਤਮ- ਚਿਨਾਰ ਕੋਰ
ਸ੍ਰੀਨਗਰ, 9 ਮਈ- ਭਾਰਤੀ ਫੌਜ ਦੀ ਚਿਨਾਰ ਕੋਰ ਨੇ ਟਵੀਟ ਕਰ ਕਿਹਾ ਕਿ ਕੁਲਗਾਮ ਦੇ ਜਨਰਲ ਖ਼ੇਤਰ ਰੇਡਵਾਨੀ ਪਾਈਨ ਵਿਚ 6-7 ਮਈ ਦੀ ਦਰਮਿਆਨੀ ਰਾਤ ਨੂੰ ਸ਼ੁਰੂ ਕੀਤਾ ਗਿਆ ਇਕ ਸੰਯੁਕਤ ਅਭਿਆਨ ਲਗਭਗ 40 ਘੰਟਿਆਂ ਦੀ ਲਗਾਤਾਰ ਚੌਕਸੀ ਤੋਂ ਬਾਅਦ ਖ਼ਤਮ ਹੋ ਗਿਆ ਹੈ ਅਤੇ ਇਸ ਵਿਚ 3 ਅੱਤਵਾਦੀਆਂ ਨੂੰ ਖ਼ਤਮ ਕਰ ਦਿੱਤਾ ਗਿਆ ਹੈ। ਅਧਿਕਾਰੀਆਂ ਨੇ ਕਿਹਾ ਕਿ ਇਸ ਨਾਲ ਦਹਿਸ਼ਤਗਰਦੀ ਦੇ ਵਾਤਾਵਰਣ ਨੂੰ ਇਹ ਇਕ ਹੋਰ ਮਾਰ ਦਿੱਤੀ ਗਈ ਹੈ।