ਮਰਹੂਮ ਰਤਨ ਟਾਟਾ ਲਈ ਪ੍ਰਧਾਨ ਮੰਤਰੀ ਦਾ ਟਵੀਟ

ਨਵੀਂ ਦਿੱਲੀ, 9 ਨਵੰਬਰ- ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅੱਜ ਮਰਹੂਮ ਕਾਰੋਬਾਰੀ ਰਤਨ ਟਾਟਾ ਲਈ ਇਕ ਟਵੀਟ ਸਾਂਝਾ ਕੀਤਾ ਹੈ। ਇਸ ਵਿਚ ਉਨ੍ਹਾਂ ਨੇ ਰਤਨ ਟਾਟਾ ਦੇ ਯੋਗਦਾਨ, ਜੀਵਨ, ਅਗਵਾਈ ਅਤੇ ਦੇਸ਼ ਭਗਤੀ ਦਾ ਜ਼ਿਕਰ ਕੀਤਾ ਹੈ। ਪ੍ਰਧਾਨ ਮੰਤਰੀ ਨੇ ਲਿਖਿਆ ਕਿ ਰਤਨ ਟਾਟਾ ਜੀ ਦੇ ਦਿਹਾਂਤ ਨੂੰ ਇਕ ਮਹੀਨਾ ਹੋ ਰਿਹਾ ਹੈ। ਪਿਛਲੇ ਮਹੀਨੇ ਅੱਜ ਹੀ ਦੇ ਦਿਨ ਉਨ੍ਹਾਂ ਦੇ ਇਸ ਸੰਸਾਰ ਤੋਂ ਚਲੇ ਜਾਣ ਦੀ ਖ਼ਬਰ ਮੈਨੂੰ ਮਿਲੀ ਤਾਂ ਉਸ ਸਮੇਂ ਮੈਂ ਆਸੀਆਨ ਸਮਿਟ ਲਈ ਨਿਕਲਣ ਦੀ ਤਿਆਰੀ ਵਿਚ ਸੀ। ਉਨ੍ਹਾਂ ਕਿਹਾ ਕਿ ਰਤਨ ਜੀ ਦੇ ਸਾਡੇ ਤੋਂ ਦੂਰ ਜਾਣ ਦਾ ਦਰਦ ਅਜੇ ਵੀ ਮੇਰੇ ਦਿਮਾਗ ਵਿਚ ਹੈ। ਇਸ ਦਰਦ ਨੂੰ ਭੁਲਾਉਣਾ ਆਸਾਨ ਨਹੀਂ ਹੈ। ਰਤਨ ਟਾਟਾ ਜੀ ਦੇ ਰੂਪ ਵਿਚ, ਭਾਰਤ ਨੇ ਆਪਣੇ ਇਕ ਮਹਾਨ ਪੁੱਤਰ ਅਤੇ ਇਕ ਅਨਮੋਲ ਰਤਨ ਨੂੰ ਗੁਆ ਦਿੱਤਾ ਹੈ। ਉਨ੍ਹਾਂ ਅੱਗੇ ਕਿਹਾ ਕਿ ਅੱਜ ਵੀ ਸ਼ਹਿਰਾਂ, ਕਸਬਿਆਂ ਤੋਂ ਲੈ ਕੇ ਪਿੰਡਾਂ ਤੱਕ ਲੋਕ ਉਨ੍ਹਾਂ ਦੀ ਅਣਹੋਂਦ ਨੂੰ ਦਿਲੋਂ ਮਹਿਸੂਸ ਕਰ ਰਹੇ ਹਨ। ਚਾਹੇ ਉਹ ਉਦਯੋਗਪਤੀ ਹੋਵੇ, ਉਭਰਦੇ ਉਦਯੋਗਪਤੀ ਜਾਂ ਪੇਸ਼ੇਵਰ, ਹਰ ਕੋਈ ਉਨ੍ਹਾਂ ਦੇ ਦਿਹਾਂਤ ਨਾਲ ਦੁਖੀ ਹੈ। ਵਾਤਾਵਰਣ ਸੰਭਾਲ ਅਤੇ ਸਮਾਜ ਸੇਵਾ ਨਾਲ ਜੁੜੇ ਲੋਕ ਵੀ ਉਨ੍ਹਾਂ ਦੇ ਦਿਹਾਂਤ ਨਾਲ ਦੁਖੀ ਹਨ ਅਤੇ ਅਸੀਂ ਇਸ ਦੁੱਖ ਨੂੰ ਭਾਰਤ ਵਿਚ ਹੀ ਨਹੀਂ ਸਗੋਂ ਪੂਰੀ ਦੁਨੀਆ ਵਿਚ ਮਹਿਸੂਸ ਕਰ ਰਹੇ ਹਾਂ।