ਨਿਪਾਲ ਵਲੋਂ ਭਾਰਤੀ ਕਰੰਸੀ ’ਤੇ ਲੱਗੀਆਂ ਪਾਬੰਦੀਆਂ ’ਚ ਢਿੱਲ; 200 ਤੇ 500 ਰੁਪਏ ਦੇ ਨੋਟਾਂ ਦੀ ਇਜਾਜ਼ਤ

1 days ago

ਕਠਮੰਡੂ, 26 ਜੁਲਾਈ (ਪੀ.ਟੀ.ਆਈ.)-ਨਿਪਾਲ ਨੇ ਭਾਰਤੀ ਅਤੇ ਨਿਲੀ ਨਾਗਰਿਕਾਂ ਨੂੰ 200 ਅਤੇ 500 ਰੁਪਏ ਦੇ ਭਾਰਤੀ ਕਰੰਸੀ ਨੋਟ ਦੇਸ਼ ਵਿੱਚ ਲਿਆਉਣ ਜਾਂ ਬਾਹਰ ਲੈ ਕੇ ਦੀ ਇਜਾਜ਼ਤ ਦੇ ਦਿੱਤੀ ਹੈ, ਜਿਸ ਨਾਲ ਲਗਭਗ ਦਹਾਕੇ ਪੁਰਾਣੀ ਪਾਬੰਦੀ ਖਤਮ ਹੋ ਗਈ ਹੈ, ਜਿਸ ਦੇ ਤਹਿਤ ਭਾਰਤ ਦੇ 2016 ਦੇ ਨੋਟਬੰਦੀ ਤੋਂ ਬਾਅਦ ਸਿਰਫ 100 ਰੁਪਏ ਤੱਕ ਦੇ ਨੋਟਾਂ ਦੀ ਇਜਾਜ਼ਤ ਸੀ।ਨਿਪਾਲ ਰਾਸ਼ਟਰ ਬੈਂਕ (ਐੱਨ.ਆਰ.ਬੀ.) ਨੇ ਵੀਰਵਾਰ ਨੂੰ ਮੁੜ ਜਾਰੀ ਕੀਤੇ ਇੱਕ ਨੋਟਿਸ ਵਿੱਚ ਕਿਹਾ ਕਿ ਭਾਰਤੀ ਅਤੇ ਨਿਪਾਲੀ ਨਾਗਰਿਕ 9 ਨਵੰਬਰ, 2016 ਨੂੰ ਜਾਂ ਇਸ ਤੋਂ ਬਾਅਦ ਜਾਰੀ ਕੀਤੇ ਗਏ 200 ਅਤੇ 500 ਰੁਪਏ ਦੇ ਭਾਰਤੀ ਕਰੰਸੀ ਨੋਟ, ਪ੍ਰਚਲਿਤ ਨਿਯਮਾਂ ਦੇ ਅਨੁਸਾਰ ਪ੍ਰਤੀ ਵਿਅਕਤੀ 25,000 ਰੁਪਏ ਦੀ ਸੀਮਾ ਤੱਕ ਲੈ ਜਾ ਸਕਦੇ ਹਨ। ਹਾਲਾਂਕਿ, ਜ਼ਰੂਰੀ ਨਿਯਮ ਬਣਾਏ ਜਾਣ ਤੋਂ ਬਾਅਦ 11 ਫਰਵਰੀ ਨੂੰ ਨਿਪਾਲ ਗਜ਼ਟ ਵਿੱਚ ਪ੍ਰਕਾਸ਼ਿਤ ਇੱਕ ਨੋਟਿਸ ਰਾਹੀਂ ਇਨ੍ਹਾਂ ਉਪਬੰਧਾਂ ਨੂੰ ਪਹਿਲਾਂ ਹੀ ਸੂਚਿਤ ਕਰ ਦਿੱਤਾ ਗਿਆ ਸੀ, ਪਰ ਐੱਨ.ਆਰ.ਬੀ. ਨੇ ਨਿਯਮਾਂ ਨੂੰ ਦੁਹਰਾਉਣ ਅਤੇ ਉਨ੍ਹਾਂ ਦੇ ਲਾਗੂਕਰਨ ਨੂੰ ਸਪੱਸ਼ਟ ਕਰਨ ਲਈ ਨੋਟਿਸ ਦੁਬਾਰਾ ਜਾਰੀ ਕੀਤਾ।ਨਵੇਂ ਨਿਯਮਾਂ ਨੂੰ ਸਪੱਸ਼ਟ ਕਰਦੇ ਹੋਏ, ਐੱਨ.ਆਰ.ਬੀ. ਦੇ ਬੁਲਾਰੇ ਗੁਰੂ ਪ੍ਰਸਾਦ ਪੌਡੇਲ ਨੇ ਸਨਿਚਰਵਾਰ ਨੂੰ ਕਿਹਾ ਕਿ ਨਿਪਾਲੀ ਨਾਗਰਿਕ ਭਾਰਤ ਤੋਂ ਇਲਾਵਾ ਕਿਸੇ ਹੋਰ ਦੇਸ਼ ਤੋਂ ਨਿਪਾਲ ਵਿੱਚ ਭਾਰਤੀ ਮੁਦਰਾ ਨਹੀਂ ਲਿਆ ਸਕਦੇ। ਇਸੇ ਤਰ੍ਹਾਂ, ਉਹ ਭਾਰਤ ਤੋਂ ਇਲਾਵਾ ਨਿਪਾਲ ਤੋਂ ਕਿਸੇ ਤੀਜੇ ਦੇਸ਼ ਵਿੱਚ ਭਾਰਤੀ ਮੁਦਰਾ ਨਹੀਂ ਲੈ ਜਾ ਸਕਦੇ।ਨੋਟਿਸ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ ਨਿਪਾਲੀ ਨਾਗਰਿਕ ਅਤੇ ਵਿਦੇਸ਼ੀ ਸੈਲਾਨੀ ਬਿਨਾਂ ਕਸਟਮ ਐਲਾਨ ਕੀਤੇ 5,000 ਅਮਰੀਕੀ ਡਾਲਰ ਜਾਂ ਇਸ ਦੇ ਬਰਾਬਰ ਹੋਰ ਵਿਦੇਸ਼ੀ ਮੁਦਰਾਵਾਂ ਨਿਪਾਲ ਵਿੱਚ ਲਿਆ ਸਕਦੇ ਹਨ।ਆਗਮਨ ‘ਤੇ 5,000 ਅਮਰੀਕੀ ਡਾਲਰ ਤੋਂ ਵੱਧ ਦੀ ਰਕਮ ਕਸਟਮ ਵਿੱਚ ਐਲਾਨ ਕੀਤੀ ਜਾਣੀ ਚਾਹੀਦੀ ਹੈ।