ਰਾਹੁਲ ਗਾਂਧੀ ਨਾਲ ਮੁਲਾਕਾਤ ਲਈ 10 ਜਨਪਥ ਪਹੁੰਚੇ ਚੰਨੀ, ਰੰਧਾਵਾ, ਵੜਿੰਗ, ਬਾਜਵਾ ਅਤੇ ਸਿੰਗਲਾ

ਨਵੀਂ ਦਿੱਲੀ, 21 ਜੂਨ - ਪੰਜਾਬ ਵਿਧਾਨ ਸਭਾ 'ਚ ਵਿਰੋਧੀ ਧਿਰ ਦੇ ਨੇਤਾ ਪ੍ਰਤਾਪ ਸਿੰਘ ਬਾਜਵਾ, ਸੰਸਦ ਮੈਂਬਰ ਚਰਨਜੀਤ ਸਿੰਘ ਚੰਨੀ, ਸੁਖਜਿੰਦਰ ਸਿੰਘ ਰੰਧਾਵਾ, ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਅਤੇ ਵਿਜੇ ਇੰਦਰ ਸਿੰਗਲਾ 10 ਜਨਪਥ ਵਿਖੇ ਪਹੁੰਚ ਗਏ ਹਨ। ਉਹ ਰਾਹੁਲ ਗਾਂਧੀ ਨਾਲ ਮੁਲਾਕਾਤ ਕਰ ਰਹੇ ਹਨ।ਦੱਸ ਦਈਏ ਕਿ ਪੰਜਾਬ ਕਾਂਗਰਸ ਬਾਰੇ ਅੱਜ ਫੈਸਲਾ ਹੋ ਸਕਦਾ ਹੈ। ਰਾਹੁਲ ਗਾਂਧੀ ਅੱਜ ਪੰਜ ਪੰਜਾਬ ਕਾਂਗਰਸ ਆਗੂਆਂ ਨਾਲ ਮੁਲਾਕਾਤ ਕਰਨਗੇ।ਮੀਟਿੰਗ ਤੋਂ ਬਾਅਦ ਟੀਮ ਵਿਚ ਬਦਲਾਅ ਅਤੇ ਨਵੀਆਂ ਨਿਯੁਕਤੀਆਂ ਬਾਰੇ ਫੈਸਲਾ ਸੰਭਵ ਹੈ।ਸੂਚੀ ਅੱਜ ਰਾਤ ਜਾਂ ਕੱਲ੍ਹ ਜਾਰੀ ਕੀਤੇ ਜਾਣ ਦੀ ਸੰਭਾਵਨਾ ਹੈ। ਫੀਡਬੈਕ ਰਿਪੋਰਟਾਂ ਰਾਹੁਲ ਗਾਂਧੀ ਅਤੇ ਖੜਗੇ ਨੂੰ ਕੱਲ੍ਹ ਮਿਲੀਆਂ। ਇਸ ਨੂੰ ਲੈ ਕੇ ਸੂਬਾ ਪ੍ਰਧਾਨ, ਸੀਐਲਪੀ, ਕਾਰਜਕਾਰੀ ਚੇਅਰਮੈਨ, ਮੁਹਿੰਮ ਕਮੇਟੀ ਅਤੇ ਮੈਨੀਫੈਸਟੋ ਚੇਅਰਮੈਨ ਬਾਰੇ ਵਿਚਾਰ-ਵਟਾਂਦਰਾ ਕੀਤਾ ਗਿਆ ਹੈ।