ਭਰਤਗੜ੍ਹ, 20 ਸਤੰਬਰ (ਜਸਬੀਰ ਸਿੰਘ ਬਾਵਾ)-ਸਥਾਨਕ ਪੁਲਿਸ ਨੇ ਟਾਵਰ ਕਾਰਡ ਚੋਰੀ ਮਾਮਲੇ 'ਚ ਇੱਕ ਵਿਅਕਤੀ ਨੂੰ ਗਿ੍ਫ਼ਤਾਰ ਕੀਤਾ ਹੈ | ਪੁਲਿਸ ਚੌਂਕੀ ਭਰਤਗੜ੍ਹ ਦੇ ਇੰਚਾਰਜ ਸੁਖਵਿੰਦਰ ਸਿੰਘ ਨੇ ਦੱਸਿਆ ਕਿ 26 ਜੁਲਾਈ ਦੀ ਰਾਤ ਨੂੰ ਬੜਾ ਪਿੰਡ ਅਤੇ ਸਰਸਾ ਨੰਗਲ 'ਚ 2 ਮੋਬਾਈਲ ਟਾਵਰਾਂ 'ਤੋਂ 2 ਕਾਰਡ ਚੋਰੀ ਹੋਏ ਸਨ, ਸਬੰਧਿਤ ਅਧਿਕਾਰੀਆਂ ਅਨੁਸਾਰ ਦੋਵੇਂ ਕਾਰਡਾਂ ਦੀ ਕੀਮਤ ਕਰੀਬ 7 ਲੱਖ ਰੁਪਏ ਹੈ, ਉਕਤ ਦੀ ਸ਼ਨਾਖ਼ਤ ਜਗਜੀਤ ਸਿੰਘ ਉਰਫ਼ ਜੀਤਾ ਪੁੱਤਰ ਲਖਵੀਰ ਸਿੰਘ, ਵਾਸੀ ਪਿੰਡ: ਮਹਿਤਾ, ਥਾਣਾ: ਸੰਗਤ, ਜ਼ਿਲ੍ਹਾ: ਬਠਿੰਡਾ ਵਜੋਂ ਕਰਕੇ ਇਸਨੂੰ ਮਾਣਯੋਗ ਅਦਾਲਤ 'ਚ ਪੇਸ਼ ਕਰਕੇ ਪੁਲਿਸ ਨੂੰ ਅਗਲੇਰੀ ਪੁੱਛਗਿੱਛ ਲਈ ਇੱਕ ਦਿਨ ਦਾ ਰਿਮਾਂਡ ਹਾਸਲ ਹੋਇਆ ਹੈ, ਇਸ ਕੋਲੋਂ ਉਕਤ ਬਰਾਮਦਗੀ ਦੇ ਨਾਲ-ਨਾਲ ਹੋਰ ਖ਼ੁਲਾਸੇ ਹੋਣ ਦੀ ਸੰਭਾਵਨਾ ਹੈ |
