ਭਰਤਗੜ੍ਹ, 20 ਸਤੰਬਰ (ਜਸਬੀਰ ਸਿੰਘ ਬਾਵਾ)-ਜਿਲ੍ਹਾ ਪੁਲਿਸ ਦੇ ਉਚ ਅਧਿਕਾਰੀਆਂ ਦੇ ਨਿਰਦੇਸ਼ਾਂ ਤਹਿਤ ਉਪ ਪੁਲਿਸ ਕਪਤਾਨ ਅਜੇ ਸਿੰਘ, ਇੰ. ਰਾਹੁਲ ਸ਼ਰਮਾ, ਇੰਚਾਰਜ ਸੁਖਵਿੰਦਰ ਸਿੰਘ ਦੀ ਅਗਵਾਈ 'ਚ ਪੰਜਾਬ ਪੁਲਿਸ ਅਤੇ ਹਿਮਾਚਲ ਪੁਲਿਸ ਨੇ ਭਰਤਗੜ੍ਹ-ਪੰਜੇਹਰਾ ਮਾਰਗ 'ਤੇ ਅੰਤਰਰਾਜੀ ਨਾਕੇਬੰਦੀ ਕੀਤੀ, ਸਵੇਰੇ 6 ਵਜੇ ਤੋਂ ਬਾਅਦ ਦੁਪਹਿਰ ਤੱਕ ਇਸ ਮਾਰਗ 'ਤੇ ਦੋਵੇਂ ਰਾਜਾਂ ਨੂੰ ਆ ਜਾ ਰਹੇ ਅਣਗਿਣਤ ਵਾਹਨਾਂ ਦੀ ਜਾਂਚ ਕੀਤੀ, ਕਰੀਬ 6 ਵਾਹਨ ਚਾਲਕਾਂ ਦੇ ਚਲਾਣ ਵੀ ਕੀਤੇ ਗਏ | ਮੌਜੂਦ ਅਧਿਕਾਰੀਆਂ ਨੇ ਦੱਸਿਆ ਕਿ ਉਕਤ ਚਲਾਣ ਬਗੈਰ ਕਾਗਜ਼ਾਤ, ਸਮਰੱਥਾ ਤੋਂ ਵੱਧ ਵਜ਼ਨ ਦੀ ਢੋਅ-ਢੁਆਈ ਅਤੇ ਸਮਰੱਥਾ ਤੋਂ ਵੱਧ ਵਿਅਕਤੀਆਂ ਨੂੰ ਬੈਠਾਉਣ ਸਬੰਧੀ ਹੋਏ ਹਨ, ਅਜਿਹੇ ਅੰਤਰਰਾਜੀ ਨਾਕੇ ਭਵਿੱਖ 'ਚ ਵੀ ਜਾਰੀ ਰਹਿਣਗੇ |
