ਨਵੀਂ ਦਿੱਲੀ, 30 ਅਗਸਤ (ਅਜੀਤ ਬਿਊਰੋ)-ਭਾਜਪਾ ਦੇ ਸੀਨੀਅਰ ਨੇਤਾ ਅਤੇ ਕੌਮੀ ਬੁਲਾਰੇ ਡਾ. ਕਮਲ ਸੋਈ ਵਲੋਂ ਨਵੀਂ ਦਿੱਲੀ ਵਿਖੇ ਕੇਂਦਰੀ ਪੈਟਰੋਲੀਅਮ ਅਤੇ ਕੁਦਰਤੀ ਗੈਸ ਮੰਤਰੀ ਹਰਦੀਪ ਸਿੰਘ ਪੁਰੀ ਨਾਲ ਮੁਲਾਕਾਤ ਕਰਕੇ ਭਾਰਤ ਦੇ ਬਦਲਦੇ ਊਰਜਾ ਦਿ੍ਸ਼, ਖਾਸ ਤੌਰ 'ਤੇ ਰੂਸ ਤੋਂ ਕੱਚੇ ਤੇਲ ਦੀ ਰਣਨੀਤਿਕ ਖਰੀਦ ਅਤੇ ਇਸ ਦੇ ਭਾਰਤੀ ਅਰਥਵਿਵਸਥਾ 'ਤੇ ਪੈਣ ਵਾਲੇ ਮਹੱਤਵਪੂਰਨ ਅਸਰਾਂ 'ਤੇ ਵਿਚਾਰ-ਵਟਾਂਦਰਾ ਕੀਤਾ ਗਿਆ¢ ਡਾ. ਸੋਈ ਨੇ ਮੰਤਰੀ ਪੁਰੀ ਅਤੇ ਭਾਰਤ ਸਰਕਾਰ ਦੀ ਦੂਰਦਰਸ਼ੀ ਅਤੇ ਫੈਸਲਾ ਲੈਣ ਵਾਲੀ ਊਰਜਾ ਕੂਟਨੀਤੀ ਦੀ ਪ੍ਰਸ਼ੰਸਾ ਕੀਤੀ, ਜਿਸ ਨਾਲ ਭਾਰਤ ਨੇ ਅਸਥਿਰ ਅੰਤਰਰਾਸ਼ਟਰੀ ਮਾਰਕੀਟ ਦੇ ਬਾਵਜੂਦ ਵੀ ਲਗਾਤਾਰ ਤੇਲ ਉਪਲਬਧ ਕਰਵਾਇਆ ਹੈ¢ ਉਨ੍ਹਾਂ ਜ਼ੋਰ ਦੇ ਕੇ ਕਿਹਾ ਕਿ ਰੂਸ ਤੋਂ ਰਿਆਇਤ 'ਤੇ ਮਿਲ ਰਿਹਾ ਕੱਚਾ ਤੇਲ ਖਰੀਦਦੇ ਰਹਿਣ ਨਾਲ ਦੇਸ਼ ਨੂੰ ਵੱਡੀਆਂ ਬਚਤਾਂ ਹੋਈਆਂ ਹਨ, ਕੀਮਤਾਂ ਵਿਚ ਸਥਿਰਤਾ ਆਈ ਹੈ ਅਤੇ ਭਾਰਤੀ ਖਪਤਕਾਰਾਂ ਨੂੰ ਅੰਤਰਰਾਸ਼ਟਰੀ ਕੀਮਤੀ ਝਟਕਿਆਂ ਤੋਂ ਬਚਾਇਆ ਗਿਆ ਹੈ¢
