ਨਿਊਯਾਰਕ, 30 ਅਗਸਤ (ਏਜੰਸੀ)-ਨੋਵਾਕ ਜੋਕੋਵਿਚ ਨੇ ਪਿੱਠ ਦੀ ਸਮੱਸਿਆ 'ਤੋਂ ਉਭਰਦੇ ਹੋਏ ਸ਼ੁੱਕਰਵਾਰ ਰਾਤ ਨੂੰ ਹੋਏ ਯੂ.ਐਸ. ਓਪਨ ਟੈਨਿਸ ਟੂਰਨਾਮੈਂਟ ਮੈਚ 'ਚ ਕੈਮ ਨੋਰੀ ਨੂੰ ਹਰਾਇਆ, ਜਿਸ ਨਾਲ ਉਹ 1991 'ਚ ਜਿੰਮੀ ਕੋਨਰਜ਼ ਤੋਂ ਬਾਅਦ ਇਸ ਟੂਰਨਾਮੈਂਟ ਦੇ ਚੌਥੇ ਦÏਰ 'ਚ ਪਹੁੰਚਣ ਵਾਲਾ ਸਭ ਤੋਂ ਵੱਧ ਉਮਰ ਦਾ ਖਿਡਾਰੀ ਬਣ ਗਿਆ | ਜੋਕੋਵਿਚ ਨੇ 38 ਸਾਲ ਦੀ ਉਮਰ 'ਚ ਇਹ ਉਪਲਬਧੀ ਹਾਸਲ ਕੀਤੀ | ਕੋਨਰਜ਼ 1991 'ਚ ਇਸ ਟੂਰਨਾਮੈਂਟ ਦੇ ਚੌਥੇ ਦÏਰ 'ਚ ਪਹੁੰਚਣ 'ਤੇ ਵੀ 38 ਸਾਲ ਦੇ ਹੀ ਸਨ | ਜੋਕੋਵਿਚ ਨੇ 6-4, 6-7 (4), 6-2, 6-3 ਨਾਲ ਜਿੱਤ ਪ੍ਰਾਪਤ ਕੀਤੀ, ਜਿਸ 'ਚ ਉਸਨੇ 18 ਏਸ ਲਗਾਏ ਜੋ ਉਸਦੇ ਅਨੁਸਾਰ ਟੂਰਨਾਮੈਂਟ ਦਾ ਸਭ ਤੋਂ ਵਧੀਆ ਪ੍ਰਦਰਸ਼ਨ ਸੀ | ਰਿਕਾਰਡ 24 ਵਾਰ ਦੇ ਗ੍ਰੈਂਡ ਸਲੈਮ ਚੈਂਪੀਅਨ ਨੂੰ ਫਲਸ਼ਿੰਗ ਮੀਡੋਜ਼ 'ਚ ਮੈਚ ਦੇ ਸ਼ੁਰੂ 'ਚ ਡਾਕਟਰੀ ਸਹਾਇਤਾ ਲੈਣੀ ਪਈ ਪਰ ਉਸਨੇ ਸ਼ਾਨਦਾਰ ਖੇਡ ਦਿਖਾਈ ਤੇ 69ਵੀਂ ਵਾਰ ਕਿਸੇ ਗ੍ਰੈਂਡ ਸਲੈਮ ਟੂਰਨਾਮੈਂਟ ਦੇ ਆਖਰੀ 16 'ਚ ਪਹੁੰਚ ਗਿਆ, ਇਸ ਤਰ੍ਹਾਂ ਰੋਜਰ ਫੈਡਰਰ ਦੀ ਬਰਾਬਰੀ ਕੀਤੀ | ਹੁਣ ਉਸਦਾ ਸਾਹਮਣਾ ਜਰਮਨ ਕੁਆਲੀਫਾਇਰ ਜਾਨ-ਲੇਨਾਰਡ ਸਟ੍ਰਫ ਨਾਲ ਹੋਵੇਗਾ |
