ਰਾਜਗੀਰ (ਬਿਹਾਰ), 30 ਅਗਸਤ (ਪੀ.ਟੀ.ਆਈ.)-ਬੰਗਲਾਦੇਸ਼ ਨੇ ਇੱਥੇ ਪੁਰਸ਼ ਏਸ਼ੀਆ ਕੱਪ ਹਾਕੀ ਟੂਰਨਾਮੈਂਟ ਦੇ ਆਪਣੇ ਦੂਜੇ 'ਪੂਲ ਬੀ' ਮੈਚ 'ਚ ਚੀਨੀ ਤਾਈਪੇ ਨੂੰ 8-3 ਨਾਲ ਹਰਾ ਕੇ ਟੂਰਨਾਮੈਂਟ 'ਚ ਆਪਣੀਆਂ ਉਮੀਦਾਂ ਨੂੰ ਜ਼ਿੰਦਾ ਰੱਖਿਆ | ਬੰਗਲਾਦੇਸ਼ ਆਪਣੇ ਪਹਿਲੇ ਮੈਚ 'ਚ ਮਲੇਸ਼ੀਆ ਤੋਂ 1-4 ਨਾਲ ਹਾਰ ਗਿਆ ਸੀ ਜਦਕਿ ਚੀਨੀ ਤਾਈਪੇ ਨੂੰ ਆਪਣੇ ਪਹਿਲੇ ਮੈਚ 'ਚ ਕੋਰੀਆ ਤੋਂ 0-7 ਨਾਲ ਕਰਾਰੀ ਹਾਰ ਤੋਂ ਬਾਅਦ ਲਗਾਤਾਰ ਦੂਜੀ ਹਾਰ ਦਾ ਸਾਹਮਣਾ ਕਰਨਾ ਪਿਆ | ਬੰਗਲਾਦੇਸ਼ ਨੇ ਪੂਰੀ ਤਰ੍ਹਾਂ ਦਬਦਬਾ ਬਣਾਇਆ ਅਤੇ ਆਖਰੀ 2 ਕੁਆਰਟਰਾਂ 'ਚ 5 ਗੋਲ ਕੀਤੇ | ਮੁਹੰਮਦ ਅਬਦੁੱਲਾ (ਚੌਥਾ ਤੇ 26ਵਾਂ ਮਿੰਟ), ਰਕੀਬੁਲ ਹਸਨ (42ਵਾਂ ਅਤੇ 43ਵਾਂ ਮਿੰਟ) ਅਤੇ ਅਸ਼ਰਫੁਲ ਇਸਲਾਮ (45ਵਾਂ ਅਤੇ 58ਵਾਂ ਮਿੰਟ) ਨੇ ਬੰਗਲਾਦੇਸ਼ ਲਈ 2-2 ਗੋਲ ਕੀਤੇ ਜਦਕਿ ਸੋਹਾਨੂਰ ਸੋਬੂਜ (36ਵਾਂ ਮਿੰਟ) ਤੇ ਰੇਜ਼ੌਲ ਬਾਬੂ (56ਵਾਂ ਮਿੰਟ) ਨੇ ਵੀ ਗੋਲ ਕੀਤੇ | ਚੀਨੀ ਤਾਈਪੇ ਲਈ, ਸੁੰਗ-ਯੂ ਹਸੀਹ (10ਵਾਂ, 18ਵਾਂ) ਨੇ 2 ਗੋਲ ਕੀਤੇ ਜਦਕਿ ਸੁੰਗ-ਜੇਨ ਸ਼ਿਹ (60ਵਾਂ) ਨੇ ਅੰਤਿਮ ਹੂਟਰ ਤੋਂ ਠੀਕ ਪਹਿਲਾਂ ਪੈਨਲਟੀ ਕਾਰਨਰ ਨੂੰ ਬਦਲਿਆ | ਬੰਗਲਾਦੇਸ਼ 1 ਸਤੰਬਰ ਨੂੰ ਆਪਣੇ ਆਖਰੀ ਪੂਲ ਮੈਚ 'ਚ ਕੋਰੀਆ ਨਾਲ ਭਿੜੇਗਾ ਜਦੋਂ ਕਿ ਉਸੇ ਦਿਨ ਚੀਨੀ ਤਾਈਪੇ ਮਲੇਸ਼ੀਆ ਨਾਲ ਭਿੜੇਗਾ |
