ਕਪੂਰਥਲਾ, 30 ਅਗਸਤ (ਵਿਸ਼ੇਸ਼ ਪ੍ਰਤੀਨਿਧ)- ਬਹੁਜਨ ਸਮਾਜ ਪਾਰਟੀ ਨੇ ਜ਼ਿਲ੍ਹਾ ਜਲੰਧਰ ਦੇ ਪਿੰਡ ਧਲੇਤਾ ਵਿਚ ਪੰਜਾਬ ਸਰਕਾਰ ਵਲੋਂ ਸ੍ਰੀ ਗੁਰੂ ਰਵਿਦਾਸ ਮੰਦਿਰ ਦੀ ਚਾਰ ਦੀਵਾਰੀ ਨੂੰ ਢਹਿ ਢੇਰੀ ਕੀਤੇ ਜਾਣ ਦੇ ਰੋਸ ਵਜੋਂ ਕਪੂਰਥਲਾ ਵਿਚ ਰੋਸ ਮਾਰਚ ਕੱਢਿਆ, ਰੋਹ ਵਿਚ ਆਏ ਬਸਪਾ ਵਰਕਰਾਂ ਨੇ ਸ਼ਹੀਦ ਭਗਤ ਸਿੰਘ ਚੌਕ ਵਿਚ ਸਰਕਾਰ ਵਿਰੁੱਧ ਜੰਮਕੇ ਨਾਅਰੇਬਾਜ਼ੀ ਕੀਤੀ | ਪਾਰਟੀ ਦੇ ਸੂਬਾਈ ਜਨਰਲ ਸਕੱਤਰ ਤਰਸੇਮ ਥਾਪਰ, ਸੂਬਾਈ ਸਕੱਤਰ ਰਕੇਸ਼ ਕੁਮਾਰ ਦਾਤਾਰਪੁਰੀ, ਸੂਬਾ ਕਮੇਟੀ ਮੈਂਬਰ ਲੇਖ ਰਾਜ ਜਮਾਲਪੁਰੀ ਤੇ ਜ਼ਿਲ੍ਹਾ ਪ੍ਰਧਾਨ ਡਾ. ਜਸਵੰਤ ਸਿੰਘ ਦੀ ਅਗਵਾਈ ਕੱਢੇ ਗਏ ਮਾਰਚ ਉਪਰੰਤ ਬਸਪਾ ਆਗੂਆਂ ਨੇ ਕਿਹਾ ਕਿ ਸਰਕਾਰ ਨੇ ਅਜਿਹਾ ਕਰਕੇ ਲੋਕਾਂ ਦੇ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚਾਈ ਹੈ | ਰੋਸ ਮਾਰਚ ਉਪਰੰਤ ਬਸਪਾ ਆਗੂਆਂ ਨੇ ਥਾਣਾ ਕੋਤਵਾਲੀ ਦੇ ਐਸ.ਐਚ.ਓ. ਹਰਵਿੰਦਰ ਸਿੰਘ ਨੂੰ ਮੰਗ ਪੱਤਰ ਵੀ ਦਿੱਤਾ ਗਿਆ | ਇਸ ਮੌਕੇ ਕੁਲਦੀਪ ਸਿੰਘ ਸਿੱਧੂ, ਜਸਵੀਰ ਪੱਪਾ, ਸੁਖਦੇਵ ਬੱਬੀ ਭੁਲੱਥ, ਬਲਬੀਰ ਸਿਧਵਾਂ, ਚਿਰੰਜੀ ਲਾਲ ਫਗਵਾੜਾ, ਪ੍ਰਗਟ ਸਿੰਘ ਸੰਧੂ, ਕੁਲਦੀਪ ਪੁਰਦਲ ਤਲਵੰਡੀ, ਅਮਨਦੀਪ ਕੌਰ ਫਗਵਾੜਾ, ਰਾਮ ਲਾਲ, ਅਮਰਜੀਤ ਸਿੰਘ, ਕਸ਼ਮੀਰ ਸਿੰਘ, ਹਰਿੰਦਰ ਸ਼ੀਤਲ, ਜਸਵਿੰਦਰ ਬਿੱਟਾ, ਜਗਤਾਰ ਬਿੱਟੂ, ਸੁਰਿੰਦਰ ਸਿੰਘ ਸੁਪਰਡੈਂਟ, ਮੇਜਰ ਸਿੰਘ, ਸੋਨੂੰ ਲੱਖਣ ਕਲਾਂ, ਦੀਵਾਨ ਚੰਦ ਨਵਾਂ ਪਿੰਡ, ਅਸ਼ੋਕ ਗਿੱਲ, ਬਾਬਾ ਰੌਸ਼ਨ, ਮੁਖ਼ਤਾਰ ਸਿੰਘ, ਬਲਦੇਵ ਰਾਜ, ਮਦਨ ਲਾਲ, ਬਲਦੇਵ ਸਿੰਘ ਲੱਖਣ ਕਲਾਂ, ਬਿੰਦਰ ਮਸੀਹ, ਕੁਲਵੰਤ ਸਿੰਘ, ਪ੍ਰਦੀਪ ਮੱਲ, ਰਾਮ ਮੂਰਤੀ ਖੈੜਾ, ਹਰਭਜਨ ਸਿੰਘ ਖਲਵਾੜਾ, ਅਰੁਣ ਸੁਮਨ, ਦੇਸ ਰਾਜ ਕਾਂਸ਼ੀ ਨਗਰ, ਕਾਲਾ ਮੇਹਟਾ, ਦੀਪਕ ਬੰਗੜ, ਸੁਰਜੀਤ ਭੁੱਲਾ ਰਾਈ, ਰਾਮ ਲਾਲ ਬੰਗੜ, ਤਿਲਕਰਾਜ ਕੌਲ, ਸੁਖਵੀਰ ਨਾਹਰ ਆਦਿ ਆਗੂ ਹਾਜ਼ਰ ਸਨ |
