ਗੂਹਲਾ ਚੀਕਾ, 11 ਸਤੰਬਰ (ਓ.ਪੀ. ਸੈਣੀ)- ਇਸ ਇੱਥੇ ਬਾਰ ਐਸੋਸੀਏਸ਼ਨ ਗੂਹਲਾ ਦੀ ਚੋਣ ਸ਼ਾਂਤੀਪੂਰਵਕ ਹੋ ਗਈ ਹੈ। ਜੇਤੂ ਪ੍ਰਧਾਨ ਐਡਵੋਕੇਟ ਸੁਰੇਂਦਰ ਹਾਂਡਾ ਨੂੰ 70 ਵੋਟਾਂ ਮਿਲੀਆਂ, ਜਦੋਂ ਕਿ ਹਾਰਨ ਵਾਲੇ ਉਮੀਦਵਾਰ ਐਡਵੋਕੇਟ ਹਾਕਮ ਸੀੜਾ ਨੂੰ 42 ਵੋਟਾਂ ਮਿਲੀਆਂ। ਰਿਟਰਨਿੰਗ ਅਫਸਰ ਐਡਵੋਕੇਟ ਜੀਵਨ ਸਿੰਘ ਨੈਨ, ਰਿਟਰਨਿੰਗ ਅਫਸਰ ਐਡਵੋਕੇਟ ਜੀਵਨਾਨੰਦ ਕੌਸ਼ਿਕ ਤੇ ਐਡਵੋਕੇਟ ਜਰਨੈਲ ਸਿੰਘ ਨੇ ਦੱਸਿਆ ਕਿ ਕਾਰਜਕਾਰੀ ਕਮੇਟੀ ਲਈ ਕੁੱਲ 113 ਵੋਟਾਂ ਵਿੱਚੋਂ, ਜੇਤੂ ਉਮੀਦਵਾਰ ਉਪ ਪ੍ਰਧਾਨ ਐਡਵੋਕੇਟ ਚਰਨ ਸਿੰਘ ਬਲਬਹੇੜਾ ਨੂੰ 79 ਵੋਟਾਂ, ਸਕੱਤਰ ਹਰਮਨ ਜੀਤ ਸਿੰਘ ਨੂੰ 72 ਵੋਟਾਂ ਤੇ ਖਜ਼ਾਨਚੀ ਐਡਵੋਕੇਟ ਸੁਖਵਿੰਦਰ ਸਿੰਘ ਸਹਿਗਲ ਨੂੰ 78 ਵੋਟਾਂ ਮਿਲੀਆਂ। ਚੋਣ ਅਧਿਕਾਰੀਆਂ ਨੇ ਦੱਸਿਆ ਕਿ ਬਾਰ ਐਸੋਸੀਏਸ਼ਨ, ਗੁਹਲਾ ਲਈ ਚੋਣ ਸ਼ਾਂਤੀਪੂਰਵਕ ਸੰਪੰਨ ਹੋਈ। ਵਕੀਲਾਂ ਨੇ ਸ਼ਾਂਤੀ ਬਣਾਈ ਰੱਖਣ ਵਿੱਚ ਆਪਣੀ ਸਿਆਣਪ ਦਿਖਾਈ।
