ਗੰਧਲਾ ਚੌਗਿਰਦੇ ਨੂੰ ਬੜਾ ਅਸੀਂ ਕਰਿਆ,
ਧੂੰਏਂ ਨਾਲ ਧਰਤੀ ਦਾ ਸੀਨਾ ਸਾੜ ਧਰਿਆ,
ਹੋਰ ਬਰਬਾਦੀ ਹੁਣ ਜਾਣੀ ਨਹੀਂ ਸੰਭਾਲੀ,
ਸਭਨਾਂ ਮਨਾਉਣੀ ਏ ਗਰੀਨ ਦੀਵਾਲੀ।
ਕੀਤਾ ਅਸੀਂ ਫ਼ੈਸਲਾ ਪਟਾਕੇ ਨਾ ਚਲਾਵਾਂਗੇ,
ਹੋਵੇ ਹਰਿਆਲੀ ਹੋਰ ਰੁੱਖ ਵੀ ਲਗਾਵਾਂਗੇ,
ਕੁਦਰਤ ਦੇ ਬਾਗ਼ੀਂ ਅਸਾਂ ਬਣਨਾ ਏ ਮਾਲੀ,
ਸਭਨਾਂ ਮਨਾਉਣੀ ਏ ਗਰੀਨ ਦੀਵਾਲੀ।
ਸਾਡੀ ਸੋਹਣੀ ਧਰਤੀ ਨੂੰ ਅਸੀਂ ਹੀ ਬਚਾਉਣਾ ਏ,
ਪਟਾਕਿਆਂ ਬਿਨਾਂ ਐਤਕੀਂ ਦੀਵਾਲੀ ਨੂੰ ਮਨਾਉਣਾ ਏ,
ਰੁਕਣਾ ਏ ਖੇਤਾਂ 'ਚੋਂ ਵੀ, ਸਾੜਨੋਂ ਪਰਾਲੀ,
ਸਭਨਾਂ ਮਨਾਉਣੀ ਏ ਗਰੀਨ ਦੀਵਾਲੀ।
ਕਰੀਏ ਪ੍ਰਣ ਇਹ ਭਵਿੱਖ ਰੁਸ਼ਨਾਉਣ ਦਾ,
ਹਰ ਵਰ੍ਹੇ ਇੰਝ ਹੀ ਦੀਵਾਲੀ ਨੂੰ ਮਨਾਉਣ ਦਾ,
'ਸਿੱਧੂ' ਸਰ ਦੱਸੀ ਗੱਲ, ਮਨ 'ਚ ਵਸਾਲੀ,
ਸਭਨਾਂ ਮਨਾਉਣੀ ਏ ਗਰੀਨ ਦੀਵਾਲੀ।
-ਰਾਮਪੁਰਾ ਫੂਲ, ਸ. ਸ. ਸ. ਸ. ਲਹਿਰਾ ਧੂਰਕੋਟ (ਬਠਿੰਡਾ) ਮੋ: 98154-86225
