ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ 'ਦਾ ਗੋਲਡ ਕਾਰਡ' ਨਾਮਕ ਇਕ ਕਾਰਜਕਾਰੀ ਆਦੇਸ਼ 'ਤੇ ਦਸਤਖਤ ਕੀਤੇ ਹਨ, ਜਿਸ ਦਾ ਉਦੇਸ਼ ਅਸਾਧਾਰਨ ਯੋਗਤਾ ਵਾਲੇ ਵਿਦੇਸ਼ੀਆਂ ਲਈ ਇਕ ਨਵਾਂ ਵੀਜ਼ਾ ਮਾਰਗ ਸਥਾਪਿਤ ਕਰਨਾ ਹੈ, ਜੋ ਸੰਯੁਕਤ ਰਾਜ ਅਮਰੀਕਾ ਦਾ ਸਮਰਥਨ ਕਰਨ ਲਈ ਵਚਨਬੱਧ ਹਨ | ਇਸ ਵੀਜ਼ਾ ਪ੍ਰੋਗਰਾਮ ਤਹਿਤ ਵਿਅਕਤੀਆਂ ਲਈ 10 ਲੱਖ ਅਮਰੀਕੀ ਡਾਲਰ ਤੇ ਕਾਰੋਬਾਰਾਂ ਲਈ 20 ਲੱਖ ਅਮਰੀਕੀ ਡਾਲਰ ਦੀ ਫੀਸ ਨਿਰਧਾਰਤ ਕੀਤੀ ਗਈ ਹੈ | ਟਰੰਪ ਨੇ ਕਾਰਜਕਾਰੀ ਆਦੇਸ਼ 'ਤੇ ਦਸਤਖਤ ਕਰਦੇ ਹੋਏ ਕਿਹਾ ਕਿ ਸਾਨੂੰ ਲਗਦਾ ਹੈ ਕਿ ਇਹ ਬਹੁਤ ਸਫਲ ਹੋਵੇਗਾ | ਇਸ ਨਾਲ ਅਰਬਾਂ ਡਾਲਰ ਇਕੱਠੇ ਹੋਣਗੇ, ਜਿਸ ਨਾਲ ਟੈਕਸ ਘੱਟ ਹੋਣਗੇ, ਕਰਜ਼ਾ ਚੁਕਾਇਆ ਜਾਵੇਗਾ ਤੇ ਹੋਰ ਚੰਗੇ ਕੰਮ ਹੋਣਗੇ |
