ਨਵੀਂ ਦਿੱਲੀ, 4 ਨਵੰਬਰ (ਏਜੰਸੀ)-ਕਮਿਸ਼ਨ ਫਾਰ ਏਅਰ ਕੁਆਲਿਟੀ ਮੈਨੇਜਮੈਂਟ (ਸੀ.ਏ.ਕਿਊ.ਐਮ.) ਨੇ ਅੱਜ ਮÏਜੂਦਾ ਵਾਢੀ ਦੇ ਸੀਜ਼ਨ 'ਚ ਪੰਜਾਬ ਤੇ ਹਰਿਆਣਾ 'ਚ ਪਰਾਲੀ ਦੇ ਸਾੜਨ ਦੇ ਮਾਮਲਿਆਂ 'ਚ ਭਾਰੀ ਗਿਰਾਵਟ ਨੋਟ ਕੀਤੀ | ਪਿਛਲੇ ਸਾਲ ਦੇ ਮੁਕਾਬਲੇ ਅੱਗ ਲੱਗਣ ਦੇ ਘਟਦੇ ਰੁਝਾਨਾਂ ਦੀ ਰਿਪੋਰਟ ਕਰਦੇ ਹੋਏ, ਏਜੰਸੀ ਨੇ ਉਜਾਗਰ ਕੀਤਾ ਕਿ ਇਸ ਸਾਲ 15 ਸਤੰਬਰ ਤੋਂ 3 ਨਵੰਬਰ ਦੇ ਵਿਚਕਾਰ, ਪੰਜਾਬ 'ਚ 2,518 ਅੱਗ ਲੱਗਣ ਦੀਆਂ ਘਟਨਾਵਾਂ ਦਰਜ ਕੀਤੀਆਂ ਗਈਆਂ, ਜੋ ਕਿ ਪਿਛਲੇ ਸਾਲ ਦੀ ਇਸੇ ਮਿਆਦ 'ਚ 4,132 ਦੀ ਗਿਣਤੀ ਤੋਂ ਲਗਭਗ 40 ਫ਼ੀਸਦ ਘੱਟ ਹਨ | ਹਰਿਆਣਾ 'ਚ ਬਹੁਤ ਜ਼ਿਆਦਾ ਗਿਰਾਵਟ ਦੇਖੀ ਗਈ, 2024 'ਚ 857 ਮਾਮਲਿਆਂ ਤੋਂ, ਇਸ ਸਾਲ ਪਰਾਲੀ ਦੇ ਸਾੜਨ ਦੇ ਮਾਮਲੇ 145 ਰਹੇ | ਏਜੰਸੀ ਨੇ ਖੇਤ ਪੱਧਰ 'ਤੇ ਝੋਨੇ ਦੀ ਪਰਾਲੀ ਸਾੜਨ ਦੀ ਨਿਗਰਾਨੀ ਨੂੰ ਤੇਜ਼ ਕਰਨ ਵੱਲ ਇਸ਼ਾਰਾ ਕੀਤਾ | ਕਮਿਸ਼ਨ ਨੇ ਚੰਡੀਗੜ੍ਹ 'ਚ ਇਕ ਸੈਲ ਖੋਲਿ੍ਹਆ ਹੈ ਅਤੇ ਪੰਜਾਬ ਤੇ ਹਰਿਆਣਾ 'ਚ 31 ਫਲਾਇੰਗ ਸਕੁਐਡ ਵੀ ਤਾਇਨਾਤ ਕੀਤੇ ਹਨ | ਪੰਜਾਬ ਤੋਂ 2,161 ਫੀਲਡ ਨਿਰੀਖਣ ਤੇ ਹਰਿਆਣਾ 'ਚ 121 ਅਜਿਹੀਆਂ ਚੈਕਿੰਗ ਮੁਹਿੰਮਾਂ ਰਾਹੀਂ, ਕਮਿਸ਼ਨ ਨੇ ਹੁਣ ਤੱਕ ਪੰਜਾਬ 'ਚ 52.75 ਲੱਖ ਰੁਪਏ ਤੇ ਹਰਿਆਣਾ 'ਚ 3 ਲੱਖ ਰੁਪਏ ਦੇ ਵਾਤਾਵਰਣ ਮੁਆਵਜ਼ੇ ਵਜੋਂ ਜੁਰਮਾਨੇ ਲਗਾਏ ਹਨ |
