ਸੰਘੋਲ, 16 ਜੂਨ (ਪਰਮਵੀਰ ਸਿੰਘ ਧਨੋਆ)-ਸਥਾਨਕ ਪੁਲਿਸ ਨੇ ਅੰਡਿਆਂ ਦੀ ਰੇਹੜੀ ਦੀ ਆੜ 'ਚ ਗ਼ੈਰ-ਕਾਨੂੰਨੀ ਤੌਰ 'ਤੇ ਸ਼ਰਾਬ ਪਿਆਉਣ ਦੇ ਮਾਮਲੇ 'ਚ 2 ਵਿਅਕਤੀਆਂ ਖ਼ਿਲਾਫ਼ ਕਾਨੂੰਨੀ ਕਾਰਵਾਈ ਕੀਤੀ ਹੈ | ਪੁਲਿਸ ਚੌਕੀ ਸੰਘੋਲ ਦੇ ਸਹਾਇਕ ਥਾਣੇਦਾਰ ਦਲਜੀਤ ਸਿੰਘ ਅਨੁਸਾਰ ਪੰਚਾਇਤੀ ਮਾਰਕੀਟ ਸੰਘੋਲ ਨੇੜੇ ਜਨਤਕ ਥਾਂ 'ਤੇ ਅੰਡਿਆਂ ਦੀ ਰੇਹੜੀ ਵਾਲੇ ਵਲੋਂ ਸ਼ਰੇਆਮ ਬਿਨਾਂ ਅਹਾਤੇ ਦੀ ਮਨਜ਼ੂਰੀ ਤੋਂ ਸ਼ਰਾਬ ਪਿਆਈ ਜਾ ਰਹੀ ਸੀ | ਜਿਸ 'ਤੇ ਕਾਰਵਾਈ ਕਰਦਿਆਂ ਪੁਲਿਸ ਨੇ ਉਥੋਂ ਬੋਤਲ 'ਚ ਸ਼ਰਾਬ ਮਾਰਕਾ ਪੰਜਾਬੀ ਜੁਗਨੀ ਸੌਂਫੀ, ਪਲਾਸਟਿਕ ਦਾ ਮੱਗ ਤੇ ਗਿਲਾਸ, ਸਟੀਲ ਪਲੇਟ ਆਦਿ ਬਰਾਮਦ ਕਰਕੇ ਜਰਨੈਲ ਸਿੰਘ ਸੰਘੋਲ ਅਤੇ ਮਨਪ੍ਰੀਤ ਸਿੰਘ ਪਨੈਚਾਂ ਖ਼ਿਲਾਫ਼ ਪਰਚਾ ਦਰਜ ਕਰਕੇ ਬਣਦੀ ਅਗਲੇਰੀ ਕਾਨੂੰਨੀ ਕਾਰਵਾਈ ਅਮਲ ਵਿਚ ਲਿਆਂਦੀ ਹੈ |
