ਬਟਾਲਾ, 16 ਜੂਨ (ਸਤਿੰਦਰ ਸਿੰਘ)-ਸ੍ਰੀ ਮਹਾਂਦੇਵ ਸਮਾਜ ਸੁਧਾਰ ਸਭਾ ਬਟਾਲਾ ਵਲੋਂ ਸ੍ਰੀ ਅੱਚਲੇਸ਼ਵਰ ਮੰਦਿਰ ਸਭਾ ਦੇ ਸੀਨੀਅਰ ਉਪ ਪ੍ਰਧਾਨ ਸ੍ਰੀ ਰਮੇਸ਼ ਅਗਰਵਾਲ ਤੇ ਸਕੱਤਰ ਕਿਸ਼ੋਰ ਮਹਿਤਾ ਦੀ ਅਗਵਾਈ ਵਿਚ ਸ੍ਰੀ ਅਮਰਨਾਥ ਯਾਤਰਾ ਲਈ ਰਾਸ਼ਨ ਸਮੱਗਰੀ ਦੇ 2 ਟਰੱਕ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤੇ ਗਏ | ਸਭਾ ਦੇ ਪ੍ਰਬੰਧਕਾਂ ਨੇ ਦੱਸਿਆ ਕਿ ਇਸ ਟਰੱਕ ਵਿਚ ਰਾਸ਼ਨ ਸਮੱਗਰੀ ਤੋਂ ਇਲਾਵਾ ਸੇਵਾਦਾਰ ਵੀ ਜਾਣਗੇ ਅਤੇ ਅਮਰਨਾਥ ਯਾਤਰਾ ਵਿਚ ਸ਼ਾਮਲ ਹੋਣ ਵਾਲੀਆਂ ਸੰਗਤਾਂ ਲਈ ਪਾਣੀ, ਮੈਡੀਕਲ ਸਹੂਲਤ ਤੇ ਆਰਾਮ ਕਰਨ ਲਈ ਵੀ ਪ੍ਰਬੰਧ ਕੀਤੇ ਜਾਣਗੇ | ਇਸ ਮੌਕੇ ਪ੍ਰਵੀਨ ਅਗਰਵਾਲ, ਰਾਜੇਸ਼ ਆਨੰਦ, ਰਿਸ਼ੂ, ਤਰਸੇਮ, ਅਸ਼ੋਕ ਕੁਮਾਰ, ਵੰਸ਼ ਅਗਰਵਾਲ ਆਦਿ ਹਾਜ਼ਰ ਸਨ |