ਘਰੋਟਾ, 16 ਅਕਤੂਬਰ (ਸੰਜੀਵ ਗੁਪਤਾ)-ਪਠਾਨਕੋਟ ਵਿਭਾਗ ਦੇ ਸ਼ਿਸ਼ੂ ਵਾਟਿਕਾ ਦਾ ਬਾਵਾ ਨਾਗ਼ਾ ਸਰਵਹਿੱਤਕਾਰੀ ਵਿੱਦਿਆ ਮੰਦਿਰ ਘਰੋਟਾ ਵਿਖੇ ਇਕ-ਰੋਜ਼ਾ ਦੀਵਾਲੀ ਵਰਕਸ਼ਾਪ ਦਾ ਆਯੋਜਨ ਕੀਤਾ | ਵਰਕਸ਼ਾਪ ਗਾਇਤਰੀ ਮੰਤਰ ਨਾਲ ਸ਼ੁਰੂ ਹੋਈ | ਸ਼ਿਸ਼ੂ ਵਾਟਿਕਾ ਪ੍ਰਾਂਤ ਕੋਆਰਡੀਨੇਟਰ ਕਿਰਨਾ ਨੇ ਭਾਗੀਦਾਰਾਂ ਨੂੰ ਅੰਬ ਦੇ ਪੱਤਿਆਂ, ਦੀਵੇ, ਸਵਾਸਤਿਕ, ਸ਼ੁੱਭ ਲਾਭ ਤੇ ਕਾਗ਼ਜ਼ ਦੀ ਵਰਤੋਂ ਕਰਕੇ ਕੰਧ 'ਤੇ ਲਟਕਾਈ ਬਣਾਉਣ ਦਾ ਤਰੀਕਾ ਸਿਖਾਇਆ | ਸਕੂਲ ਦੀ ਅਧਿਆਪਕਾ ਦੀਦੀ ਨਿਕਿਤਾ ਸ਼ਰਮਾ ਨੇ ਉਨ੍ਹਾਂ ਨੂੰ ਅੰਬ ਦੇ ਪੱਤਿਆਂ ਦੀ ਵਰਤੋਂ ਕਰਕੇ ਤੋਰਨ ਬਣਾਉਣ ਦਾ ਤਰੀਕਾ ਸਿਖਾਇਆ | ਪਠਾਨਕੋਟ ਵਿਭਾਗ ਦੇ 12 ਵਿੱਦਿਆ ਮੰਦਿਰਾਂ 'ਚੋਂ 11 ਦੇ ਸ਼ਿਸ਼ੂ ਵਾਟਿਕਾ ਮੁਖੀਆਂ ਤੇ ਸਹਿ-ਮੁਖੀਆਂ ਨੇ ਵਰਕਸ਼ਾਪ ਵਿਚ ਹਿੱਸਾ ਲਿਆ | ਜਿਸ 'ਚ ਕੁੱਲ 17 ਹਾਜ਼ਰ ਸਨ | ਵਰਕਸ਼ਾਪ ਦੀ ਪ੍ਰਧਾਨਗੀ ਸਕੂਲ ਦੀ ਪਿ੍ੰਸੀਪਲ ਅਰਾਧਨਾ ਸ਼ਰਮਾ ਨੇ ਕੀਤੀ | ਉਨ੍ਹਾਂ ਸਾਰਿਆਂ ਨੂੰ ਦੀਵਾਲੀ ਦੀਆਂ ਸ਼ੁੱਭਕਾਮਨਾਵਾਂ ਦਿੱਤੀਆਂ ਤੇ ਕਿਹਾ ਕਿ ਦੀਵਾਲੀ ਵਰਕਸ਼ਾਪ ਦਾ ਮੌਕਾ ਇਹ ਹੈ ਕਿ ਹਰੇਕ ਦੀਦੀ ਆਪਣੇ-ਆਪਣੇ ਵਿੱਦਿਆ ਮੰਦਿਰ ਜਾਵੇ ਤੇ ਆਪਣੇ ਬੱਚਿਆਂ ਨਾਲ ਉਹੀ ਕੰਮ ਕਰੇ ਤੇ ਵਿੱਦਿਆ ਮੰਦਿਰ ਦੇ ਹਰੇਕ ਬੱਚੇ ਨੂੰ ਆਪਣੇ ਹੱਥਾਂ ਨਾਲ ਕੁਝ ਨਾ ਕੁਝ ਬਣਾ ਕੇ ਘਰ ਲੈ ਜਾਣਾ ਚਾਹੀਦਾ ਹੈ | ਅੰਤ 'ਚ ਭੋਜਨ ਤੋਂ ਬਾਅਦ ਵਰਕਸ਼ਾਪ ਦਾ ਸਮਾਪਨ ਸੁਖੀਨਾ ਮੰਤਰ ਨਾਲ ਕੀਤਾ ਗਿਆ |