ਅੰਮਿ੍੍ਰਤਸਰ, 20 ਜੂਨ (ਹਰਮਿੰਦਰ ਸਿੰਘ)-ਨਗਰ ਨਿਗਮ ਦੇ ਕਮਿਸ਼ਨਰ ਗੁਲਪ੍ਰੀਤ ਸਿੰਘ ਔਲਖ ਦੀਆਂ ਹਦਾਇਤਾਂ 'ਤੇ ਅਸਟੇਟ ਵਿਭਾਗ ਵਲੋਂ ਨਾਜਾਇਜ਼ ਕਬਜ਼ਿਆਂ 'ਤੇ ਕਾਰਵਾਈ ਕੀਤੀ ਗਈ | ਇਸ ਸੰਬੰਧੀ ਅਸਟੇਟ ਅਫ਼ਸਰ ਧਰਮਿੰਦਰਜੀਤ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਦੀ ਟੀਮ ਵਲੋਂ ਦੱਖਣੀ ਜ਼ੋਨ ਦੇ ਅਧੀਨ ਆਉਂਦੇ ਵੱਖ-ਵੱਖ ਇਲਾਕਿਆਂ 'ਚ ਨਾਜਾਇਜ਼ ਕਬਜ਼ਿਆਂ 'ਤੇ ਕਾਰਵਾਈ ਕਰਦੇ ਹੋਏ ਸੜਕ ਅਤੇ ਫੁਟਪਾਥ ਦੀ ਜਗ੍ਹਾ 'ਤੇ ਲੱਗੀਆਂ ਰੇਹੜੀਆਂ ਫੜ੍ਹੀਆਂ ਹਟਾਈਆਂ ਗਈਆਂ | ਇਹ ਕਾਰਵਾਈ ਟੀਮ ਵਲੋਂ ਪੁਰਾਣੀ ਸਰਕੂਲਰ ਰੋਡ ਦੇ ਬਾਹਰਵਾਰ, ਚਾਟੀਵਿੰਡ ਚੌਕ, ਭਗਤਾਂ ਵਾਲਾ ਚੌਕ, ਹਕੀਮਾਂ ਵਾਲਾ ਚੌਕ ਵਿਖੇ ਕੀਤੀ ਗਈ | ਇਸ ਤੋਂ ਇਲਾਵਾ ਉਨ੍ਹਾਂ ਦੀ ਟੀਮ ਵਲੋਂ ਸਥਾਨਕ ਸੇਵਾ ਨਗਰ ਇਲਾਕੇ ਵਿਖੇ ਘਰ ਦੇ ਬਾਹਰ ਅਣ ਅਧਿਕਾਰਤ ਤੌਰ 'ਤੇ ਬਣਾਇਆ ਗਿਆ ਥੜ੍ਹਾ ਵੀ ਤੋੜਿਆ ਗਿਆ ਹੈ | ਇਸ ਕਾਰਵਾਈ ਮੌਕੇ ਇਸਪੈਕਟਰ ਰਾਜ ਕੁਮਾਰ, ਅਰੁਣ ਸਹਿਜਪਾਲ ਅਤੇ ਪੁਲਿਸ ਪਾਰਟੀ ਮੌਜੂਦ ਸੀ |
