ਰੂਪਨਗਰ,18 ਜੂਨ (ਯਸ਼ਵੰਤ ਬੱਸੀ)-ਕਿੰਨਰ ਸਮਾਜ ਰੂਪਨਗਰ ਵਲੋਂ ਨਗਰ ਖੇੜੇ ਦੀ ਸੁੱਖ ਸ਼ਾਂਤੀ ਲਈ ਪੁਰਾਣੀ ਸਬਜ਼ੀ ਮੰਡੀ ਵਿਖੇ ਛਬੀਲ ਅਤੇ ਲੰਗਰ ਲਗਾਇਆ | ਇਸ ਮੌਕੇ ਕਿੰਨਰ ਸਮਾਜ ਰੂਪਨਗਰ ਦੇ ਪ੍ਰਧਾਨ ਮਹੰਤ ਤਮੰਨਾ ਨੇ ਕਿਹਾ ਕਿ ਉਨ੍ਹਾਂ ਵਲੋਂ ਇਹ ਲੰਗਰ ਸਮਾਜ ਵਿਚ ਸੁੱਖ ਸ਼ਾਂਤੀ ਅਤੇ ਆਪਸੀ ਭਾਈਚਾਰਕ ਸਾਂਝ ਕਾਇਮ ਰੱਖਣ ਲਈ ਲਗਾਇਆ ਗਿਆ ਹੈ | ਕਿੰਨਰ ਸਮਾਜ ਰੂਪਨਗਰ ਦੇ ਸਾਰੇ ਮਹੰਤ ਇਸ ਮੌਕੇ ਹਾਜ਼ਰ ਸਨ, ਉਹਨਾਂ ਸ਼ਹਿਰ ਵਾਸੀਆਂ ਦੀ ਚੜ੍ਹਦੀ ਕਲਾ ਲਈ ਅਰਦਾਸ ਵੀ ਕੀਤੀ | ਨਗਰ ਕੌਂਸਲ ਦੇ ਸਾਬਕਾ ਪ੍ਰਧਾਨ ਪਰਮਜੀਤ ਸਿੰਘ ਮੱਕੜ ਨੇ ਕਿੰਨਰ ਸਮਾਜ ਵਲੋਂ ਲਗਾਏ ਗਏ ਲੰਗਰ ਅਤੇ ਰੋਪੜ ਦੇ ਲੋਕਾਂ ਦੀ ਸੁੱਖ ਸ਼ਾਂਤੀ ਲਈ ਕੀਤੀ ਗਈ ਅਰਦਾਸ ਲਈ ਕਿੰਨਰ ਸਮਾਜ ਦਾ ਧੰਨਵਾਦ ਕੀਤਾ |
