21-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 22-06-2025

ਜੀ. ਪੀ. ਐੱਚ. ਡੀ. ਸੀ. ਆਈ. ਅੰਮਿ੍ਤਸਰ ਨੇ ਅਟਾਰੀ ਸਰਹੱਦ 'ਤੇ ਯੋਗਾ ਦਿਵਸ ਮਨਾਇਆ <br/>

ਅਜੀਤ ਡੈਸਕ 22-06-2025
ਅਟਾਰੀ, (ਅੰਮਿ੍ਤਸਰ)-21 ਜੂਨ (ਰਾਜਿੰਦਰ ਸਿੰਘ ਰੂਬੀ, ਗੁਰਦੀਪ ਸਿੰਘ)-ਚੈਂਬਰ ਆਫ਼ ਕਾਮਰਸ ਐਂਡ ਇੰਡਸਟਰੀ ਦੇ ਪੰਜਾਬ ਚੈਪਟਰ ਦੇ ਅੰਮਿ੍ਤਸਰ ਜ਼ੋਨ ਨੇ 11ਵੇਂ ਅੰਤਰਰਾਸ਼ਟਰੀ ਯੋਗਾ ਦਿਵਸ ਨੂੰ ਮਨਾਉਣ ਲਈ ਬੀ. ਐੱਸ. ਐੱਫ. ਦੇ ਸਹਿਯੋਗ ਨਾਲ ਅਟਾਰੀ ਸਰਹੱਦ 'ਤੇ ਯੋਗਾ ਸੈਸ਼ਨ ਦਾ ਆਯੋਜਨ ਕੀਤਾ | ਇਸ ਸਮਾਗਮ ਵਿਚ ਬੀ. ਐੱਸ. ਐੱਫ. ਦੇ ਜਵਾਨਾਂ, ਨਾਗਰਿਕਾਂ ਅਤੇ ਪਤਵੰਤਿਆਂ ਦੀ ਉਤਸ਼ਾਹਿਤ ਭਾਗੀਦਾਰੀ ਦੇਖਣ ਨੂੰ ਮਿਲੀ, ਜਿਸ ਨੇ ਸਮੁੱਚੀ ਭਲਾਈ ਅਤੇ ਰਾਸ਼ਟਰੀ ਭਾਵਨਾ ਲਈ ਇਕ ਏਕੀਕਿ੍ਤ ਸ਼ਕਤੀ ਵਜੋਂ ਯੋਗ ਦੀ ਭੂਮਿਕਾ ਦੀ ਪੁਸ਼ਟੀ ਕੀਤੀ | ਇਸ ਮੌਕੇ 'ਤੇ, ਪੀ. ਐੱਚ. ਡੀ. ਸੀ. ਆਈ. ਨੇ ਬੀ. ਐੱਸ. ਐੱਫ. ਨੂੰ ਉਨ੍ਹਾਂ ਦੀ ਅਣਥੱਕ ਸੇਵਾ ਲਈ ਆਪਣੀ ਪ੍ਰਸ਼ੰਸਾ ਪ੍ਰਗਟ ਕੀਤੀ ਅਤੇ ਰਾਸ਼ਟਰੀ ਸੁਰੱਖਿਆ ਅਤੇ ਜਨਤਕ ਸ਼ਮੂਲੀਅਤ ਵਿਚ ਉਨ੍ਹਾਂ ਦੇ ਯੋਗਦਾਨ ਦਾ ਜਸ਼ਨ ਮਨਾਇਆ | ਪੀ. ਐੱਚ. ਡੀ. ਸੀ. ਆਈ. ਨੇ ਡਾ. ਅਤੁਲ ਫੁਲਜ਼ੇਲੇ, ਇੰਸਪੈਕਟਰ ਜਨਰਲ, ਬੀ. ਐੱਸ. ਐੱਫ. ਪੰਜਾਬ, ਐੱਸ. ਐੱਸ. ਚੰਦੇਲ, ਡਿਪਟੀ ਇੰਸਪੈਕਟਰ ਜਨਰਲ, ਐੱਸ. ਐੱਚ. ਕਿਊ. ਅੰਮਿ੍ਤਸਰ ਅਤੇ ਹੋਰ ਸੀਨੀਅਰ ਬੀ. ਐੱਸ. ਐੱਫ. ਅਧਿਕਾਰੀਆਂ ਨੂੰ ਪੀ. ਐੱਚ. ਡੀ. ਸੀ. ਆਈ. ਦੀ ਪ੍ਰਧਾਨ ਸ੍ਰੀਮਤੀ ਹਿਮਾਨੀ ਅਰੋੜਾ, ਸੀ. ਏ. ਜੈਦੀਪ ਸਿੰਘ, ਕਨਵੀਨਰ ਅੰਮਿ੍ਤਸਰ ਜ਼ੋਨ, ਪੰਜਾਬ ਚੈਪਟਰ, ਅਤੇ ਨਿਪੁਣ ਅਗਰਵਾਲ, ਸਹਿ-ਕਨਵੀਨਰ ਅੰਮਿ੍ਤਸਰ ਜ਼ੋਨ ਵਲੋਂ ਸਾਂਝੇ ਤੌਰ 'ਤੇ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਯੋਗਾ ਦਿਵਸ ਮਨਾਉਣ ਲਈ ਵਿਸ਼ੇਸ਼ ਤੌਰ 'ਤੇ ਮੁੱਖ ਮਹਿਮਾਨ ਵਜੋਂ ਪੁੱਜੇ ਡਾ. ਅਤੁਲ ਫੁਲਜ਼ੇਲੇ ਇੰਸਪੈਕਟਰ ਜਨਰਲ ਬੀ. ਐੱਸ. ਐੱਫ. ਪੰਜਾਬ ਨੇ ਪੀ. ਐੱਚ. ਡੀ. ਸੀ. ਆਈ. ਦੀ ਉਨ੍ਹਾਂ ਦੇ ਸ਼ਾਨਦਾਰ ਕੰਮ ਲਈ ਸ਼ਲਾਘਾ ਕੀਤੀ ਅਤੇ ਸੀਮਾ ਸੁਰੱਖਿਆ ਬਲ ਵਲੋਂ ਪੀ. ਐੱਚ. ਡੀ. ਸੀ. ਆਈ. ਟੀਮ ਨੂੰ ਸਨਮਾਨਿਤ ਕੀਤਾ ਗਿਆ |

ਪਿਛਲੀ ਖ਼ਬਰ ਤੰਦਰੁਸਤ ਰਹਿਣ ਲਈ ਹਰੇਕ ਇਨਸਾਨ ਨੂੰ ਯੋਗਾ ਕਰਨਾ ਚਾਹੀਦਾ-ਚੇਅਰਮੈਨ ਐੱਮ. ਐੱਮ. ਆਨੰਦ <br/> ਅਗਲੀ ਖ਼ਬਰ ਸੇਂਟ ਸੋਵਰੇਨ ਕਾਨਵੈਂਟ ਸਕੂਲ 'ਚ ਯੋਗਾ ਦਿਵਸ ਮਨਾਇਆ <br/>

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।