ਚਰਨਜੀਤ ਆਹੂਜਾ ਦੇ ਦਿਹਾਂਤ 'ਤੇ ਕਲਾਕਾਰਾਂ, ਸੰਗੀਤਕਾਰਾਂ, ਗੀਤਕਾਰਾਂ ਤੇ ਹੋਰਾਂ ਵਲੋਂ ਦੁੱਖ ਪ੍ਰਗਟ

ਸੰਗੀਤ ਦੇ ਇਕ ਯੁੱਗ ਦਾ ਹੋਇਆ ਅੰਤ-ਹਰਦੀਪ
<br/>
ਚੰਡੀਗੜ੍ਹ, 21 ਸਤੰਬਰ (ਅਜਾਇਬ ਸਿੰਘ ਅÏਜਲਾ)-ਪ੍ਰਸਿੱਧ ਸੰਗੀਤਕਾਰ ਚਰਨਜੀਤ ਆਹੂਜਾ ਦੇ ਦਿਹਾਂਤ 'ਤੇ ਕਲਾਕਾਰਾਂ, ਸੰਗੀਤਕਾਰਾਂ, ਗੀਤਕਾਰਾਂ ਅਤੇ ਹੋਰ ਮੰਚਾਂ-ਕਲੱਬਾਂ ਵਲੋਂ ਦੁੱਖ ਦਾ ਪ੍ਰਗਟਾਵਾ ਕੀਤਾ ਗਿਆ ਹੈ | ਪ੍ਰਸਿੱਧ ਗਾਇਕ ਤੇ ਚੰਡੀਗੜ੍ਹ ਪੰਜਾਬੀ ਲੋਕ ਗਾਇਕ ਕਲਾ ਮੰਚ ਦੇ ਚੇਅਰਮੈਨ ਹਰਦੀਪ ਨੇ ਦੁੱਖ ਦਾ ਇਜ਼ਹਾਰ ਕਰਦਿਆਂ ਕਿਹਾ ਕਿ ਚਰਨਜੀਤ ਅਹੂਜਾ ਦੇ ਚੱਲੇ ਜਾਣ ਨਾਲ ਸੰਗੀਤ ਦੇ ਇਕ ਯੁੱਗ ਦਾ ਅੰਤ ਹੋ ਗਿਆ ਹੈ | ਅਜਿਹੀ ਹੀ ਭਾਵਨਾ ਦਾ ਪ੍ਰਗਟਾਵਾ ਗਾਇਕ ਸੁਰਜੀਤ ਖ਼ਾਨ, ਜਗਤਾਰ ਜੱਗਾ, ਸਤਵਿੰਦਰ ਬੁੱਗਾ, ਗੁਰਕ੍ਰਿਪਾਲ ਸੂਰਾਂਪੁਰੀ, ਬਾਈ ਅਮਰਜੀਤ, ਮਨੀ ਔਜਲਾ, ਕੁਲਬੀਰ ਸੈਣੀ, ਸਾਰੰਗ ਸਿਕੰਦਰ, ਬਿੱਲ ਸਿੰਘ, ਅਲਾਪ ਸਿਕੰਦਰ ਦੇ ਨਾਲ-ਨਾਲ ਗਾਇਕਾ ਅਮਰ ਨੂਰੀ, ਸਤਵਿੰਦਰ ਬਿੱਟੀ, ਆਰ. ਦੀਪ ਰਮਨ, ਮਿੱਸ ਨੀਲਮ, ਫ਼ਿਲਮ ਨਿਰਮਾਤਾ ਇਕਬਾਲ ਢਿੱਲੋਂ, ਚਰਨਜੀਤ ਅਹੂਜਾ ਦੇ ਨੇੜਲੇ ਸਾਥੀ ਤੇ ਸੰਗੀਤ ਨਿਰਮਾਤਾ ਵਿੱਕੀ ਮੋਦੀ, ਗੀਤਕਾਰ ਸ਼ਮਸ਼ੇਰ ਸੰਧੂ, ਜਰਨੈਲ ਘੁਮਾਣ, ਭੱਟੀ ਭੜ੍ਹੀਵਾਲਾ, ਕੁਲਵੰਤ ਗਿੱਲ, ਤੇਜਿੰਦਰ ਕੌਰ ਜੋਤੀ, ਸੁਰਿੰਦਰ ਮੀਆਂਪੁਰੀਆ, ਪੰਜਾਬੀ ਕਲਚਰ ਅਤੇ ਵੈਲਫੇਅਰ ਸੁਸਾਇਟੀ ਦੇ ਸੰਪਾਦਕ ਫੂਲਰਾਜ ਸਿੰਘ, ਪੁਆਧੀ ਅਖਾੜੇ ਦੇ ਗਾਇਕ ਭਗਤ ਨਰਿੰਦਰ ਸਿੰਘ ਸੁਹਾਣਾ, ਬਾਲ ਸਾਹਿਤਕਾਰ ਪ੍ਰੋ. ਮਨਮੋਹਨ ਸਿੰਘ ਦਾਊਾ, ਭੁਪਿੰਦਰ ਸਿੰਘ ਮਲਿਕ, ਦੀਪਕ ਸ਼ਰਮਾ ਚਨਾਰਥਲ, ਬਲਕਾਰ ਸਿੱਧੂ, ਲੇਖਿਕਾ ਗਗਨਦੀਪ ਕੌਰ, ਦਵਿੰਦਰ ਕੌਰ ਢਿੱਲੋਂ, ਰਵਿੰਦਰ ਕੌਰ ਰੀਤ, ਮਨਜੀਤ ਕੁਲਾਰ ਆਦਿ ਨੇ ਜਿਥੇ ਚਰਨਜੀਤ ਅਹੂਜਾ ਦੇ ਦਿਹਾਂਤ 'ਤੇ ਦੁੱਖ ਦਾ ਪ੍ਰਗਟਾਵਾ ਕੀਤਾ, ਉਥੇ ਪੰਜ ਦਰਿਆ ਸੱਭਿਆਚਾਰ ਮੰਚ ਦੇ ਲੱਖਾ ਸਿੰਘ, ਪੰਜਾਬੀ ਸੱਭਿਆਚਾਰਕ ਮੰਚ ਦੇ ਪ੍ਰਧਾਨ ਗੁਰਮੀਤ ਸਿੰਘ ਸ਼ਾਹਪੁਰ ਆਦਿ ਨੇ ਵੀ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ |