ਚੀਮਾ ਮੰਡੀ, 17 ਜੂਨ (ਜਗਰਾਜ ਮਾਨ) - ਸ਼ਹੀਦ ਗੁਰਵਿੰਦਰ ਸਿੰਘ ਤੋਲਾਵਾਲ ਦੀ ਪੰਜਵੀਂ ਬਰਸੀ ਪਿੰਡ ਤੋਲਾਵਾਲ ਵਿਖੇ ਮਨਾਈ ਗਈ | ਇਸ ਮੌਕੇ ਮੈਡੀਕਲ ਕੈਂਪ ਅਤੇ ਪਾਣੀ ਦੀ ਛਬੀਲ ਲਗਾਈ ਗਈ | ਇਸ ਮੌਕੇ ਬੂਟੇ ਵੰਡ ਕੇ ਮਹਾਨ ਯੋਧੇ ਨੂੰ ਸ਼ਰਧਾਂਜਲੀ ਦਿੱਤੀ ਗਈ | ਪੰਜਵੀਂ ਬਰਸੀ ਮੌਕੇ ਪਿੰਡ ਤੋਲਾਵਾਲ ਅਤੇ ਇਲਾਕੇ ਦੇ ਲੋਕਾਂ ਨੇ ਸ਼ਹੀਦ ਨੂੰ ਯਾਦ ਕੀਤਾ | ਇਸ ਮੌਕੇ ਮਿਸ਼ਨ ਫਤਿਹ ਵੈੱਲਫੇਅਰ ਸੋਸਾਇਟੀ ਪੰਜਾਬ ਦੇ ਪ੍ਰਧਾਨ ਭੀਮ ਸਿੰਘ ਭੂਕਲ, ਪ੍ਰਧਾਨ ਗੁਰਸੇਵ ਸਿੰਘ ਬਿਗੜਵਾਲ, ਰਾਜਵਿੰਦਰ ਸਿੰਘ ਉਗਰਾਹਾਂ, ਸਾਬਕਾ ਸਰਪੰਚ ਮਲਕੀਤ ਸਿੰਘ ਸ਼ਾਹਪੁਰ ਕਲਾਂ ਆਦਿ ਹਾਜ਼ਰ ਸਨ |
