ਸਿਰਸਾ, 18 ਜੂਨ (ਭੁਪਿੰਦਰ ਪੰਨੀਵਾਲੀਆ)- ਸਿਰਸਾ ਦੇ ਏਅਰ ਫੋਰਸ ਸਟੇਸ਼ਨ 'ਚ ਵਰਦਾਨ ਬਲੱਡ ਬੈਂਕ ਵੱਲੋਂ ਖੂਨਦਾਨ ਕੈਂਪ ਲਾਇਆ ਗਿਆ ਜਿਸ ਵਿੱਚ 108 ਯੂਨਿਟ ਖੂਨ ਇੱਕਤਰ ਕੀਤਾ ਗਿਆ | ਇਸ ਮੌਕੇ ਏਅਰ ਕਮਾਂਡਰ ਰੋਹਿਤ ਕਪਿਲ,ੇ ਰਾਧਿਕਾ ਕਪਿਲ ਨੇ ਪ੍ਰੋਗਰਾਮ ਵਿੱਚ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ | ਪ੍ਰੋਗਰਾਮ ਦੀ ਪ੍ਰਧਾਨਗੀ ਵਿੰਗ ਕਮਾਂਡਰ ਤਪਸਿਆ ਬਿਸ਼ਨੋਈ (ਸੀਨੀਅਰ ਮੈਡੀਕਲ ਅਫਸਰ) ਨੇ ਕੀਤੀ | ਇਸ ਮੌਕੇ ਕੋਆਰਡੀਨੇਟਿੰਗ ਅਫਸਰ ਫਲਾਈਟ ਲੈਫਟੀਨੈਂਟ ਸਾਕਸ਼ਤ ਸ਼ਰਮਾ (ਮੈਡੀਕਲ ਅਫਸਰ), ਕੋਆਰਡੀਨੇਟਰ ਸਾਰਜੈਂਟ ਅਜੈ ਕੁਮਾਰ ਸਾਹ ਅਤੇ ਸਾਰਜੈਂਟ ਸ਼?ਰੀਕਾਂਤ ਧਾਲੀ ਟੀਮ ਨਾਲ ਮੌਜੂਦ ਸਨ | ਇਸ ਮੌਕੇ ਮੁੱਖ ਮਹਿਮਾਨ ਏਅਰ ਕਮਾਂਡਰ ਰੋਹਿਤ ਕਪਿਲ ਨੇ ਕਿਹਾ ਕਿ ਖੂਨਦਾਨ ਤੋਂ ਵੱਡਾ ਕੋਈ ਦਾਨ ਨਹੀਂ ਹੈ | ਉਨ੍ਹਾਂ ਕਿਹਾ ਕਿ ਖੂਨ ਦਾ ਕੋਈ ਬਦਲ ਨਹੀਂ ਹੈ | ਇਹ ਕਿਸੇ ਵੀ ਫੈਕਟਰੀ ਵਿੱਚ ਪੈਦਾ ਨਹੀਂ ਕੀਤਾ ਜਾ ਸਕਦਾ | ਖੂਨਦਾਨ ਹੀ ਇਸਦਾ ਇੱਕੋ ਇੱਕ ਬਦਲ ਹੈ | ਉਨ੍ਹਾਂ ਕਿਹਾ ਕਿ ਖੂਨਦਾਨ ਸਰੀਰ ਵਿੱਚ ਕਿਸੇ ਵੀ ਤਰ੍ਹਾਂ ਦੀ ਕਮਜ਼ੋਰੀ ਨਹੀਂ ਲਿਆਉਂਦਾ | ਇਸਦੀ ਭਰਪਾਈ ਸਿਰਫ਼ ਇੱਕ ਹਫ਼ਤੇ ਦੀ ਬਿਹਤਰ ਖੁਰਾਕ ਨਾਲ ਕੀਤੀ ਜਾ ਸਕਦੀ ਹੈ | ਉਨ੍ਹਾਂ ਆਮ ਲੋਕਾਂ ਨੂੰ ਅਪੀਲ ਕੀਤੀ ਕਿ ਹਰ ਤੰਦਰੁਸਤ ਵਿਅਕਤੀ ਨੂੰ ਸਾਲ ਵਿੱਚ ਘੱਟੋ-ਘੱਟ ਦੋ ਵਾਰ ਖੂਨਦਾਨ ਕਰਨਾ ਚਾਹੀਦਾ ਹੈ | ਇਸ ਮੌਕੇ ਉਨ੍ਹਾਂ ਆਪਣੀ ਪਤਨੀ ਨਾਲ ਵੀ ਖੂਨਦਾਨ ਕੀਤਾ | ਕੈਂਪ ਵਿੱਚ 108 ਯੂਨਿਟ ਖੂਨ ਇਕੱਠਾ ਕੀਤਾ ਗਿਆ | ਵਰਦਾਨ ਬਲੱਡ ਬੈਂਕ ਵੱਲੋਂ ਦਿਨੇਸ਼ ਬਾਗੜੀਆ ਨੇ ਹਵਾਈ ਸੈਨਾ ਦੇ ਖੂਨਦਾਨੀਆਂ ਨੂੰ ਸਰਟੀਫਿਕੇਟ ਦੇ ਕੇ ਸਨਮਾਨਿਤ ਕੀਤਾ | ਵਿੰਗ ਕਮਾਂਡਰ ਡਾ. ਤਪਸਿਆ ਬਿਸ਼ਨੋਈ ਨੇ ਸਾਰਿਆਂ ਦਾ ਨਿੱਘਾ ਸਵਾਗਤ ਕੀਤਾ ਅਤੇ ਟੀਮ ਵਰਦਾਨ ਨੂੰ ਯਾਦਗਾਰੀ ਚਿੰਨ੍ਹ ਭੇਟ ਕੀਤੇ |
