ਕੋਲਕਾਤਾ, 23 ਸਤੰਬਰ (ਰਣਜੀਤ ਸਿੰਘ ਲੁਧਿਆਣਵੀ)-ਸ੍ਰੀ ਗੁਰੂ ਤੇਗ ਬਹਾਦਰ ਜੀ ਦੇ 350 ਵੇਂ ਸ਼ਹੀਦੀ ਪੁਰਬ ਨੂੰ ਸਮਰਪਿਤ ਨਾਲ ਹੀ ਭਾਈ ਮਤੀ ਦਾਸ ਜੀ, ਭਾਈ ਸਤੀ ਦਾਸ ਜੀ ਦੇ ਭਾਈ ਦਿਆਲਾ ਜੀ ਦੀ ਸ਼ਹੀਦੀ ਨੂੰ ਸਮਰਪਿਤ ਜਾਗਿ੍ਤੀ ਯਾਤਰਾ ਅੱਜ ਕੋਲਕਾਤਾ ਤੋਂ ਰਵਾਨਾ ਹੋ ਗਈ | ਇਥੇ ਇਹ ਜਿਕਰਯੋਗ ਹੈ ਕਿ ਤਖਤ ਸ੍ਰੀ ਪਟਨਾ ਸਾਹਿਬ ਤੋਂ ਯਾਤਰਾ ਦਾ ਆਰੰਭ 17 ਸਤੰਬਰ ਨੂੰ ਹੋਇਆ ਸੀ | 21 ਸਤੰਬਰ ਨੂੰ ਯਾਤਰਾ ਪੱਛਮੀ ਬੰਗਾਲ ਦੇ ਡਾਨਕੁਨੀ ਪੁੱਜੀ | ਇਸ ਤੋਂ ਬਾਦ ਗੁਰਦੁਆਰਾ ਬੈਰਕਪੁਰ ਸਾਹਿਬ, ਗੁਰਦੁਆਰਾ ਡਨਲਪ ਬਿ੍ਜ, ਗੁਰਦੁਆਰਾ ਦਮਦਮ ਸਾਹਿਬ, ਗੁਰਦੁਆਰਾ ਬੜਾ ਬਾਜਾਰ, ਗੁਰਦੁਆਰਾ ਸੰਤ ਕੁਟੀਆ, ਗੁਰਦੁਆਰਾ ਜਗਤ ਸੁਧਾਰ, ਗੁਰਦੁਆਰਾ ਬੇਹਾਲਾ ਹੁੰਦਿਆਂ ਨੈਸ਼ਨਲ ਹਾਈਵੇ ਸਥਿਤ ਗੁਰਦੁਆਰਾ ਆਲਮਪੁਰ ਸਾਹਿਬ ਤੋਂ ਅੱਜ ਸਵੇਰੇ ਯਾਤਰਾ ਰਵਾਨਾ ਹੋਈ | ਇਸ ਮੌਕੇ ਵੱਡੀ ਗਿਣਤੀ ਚ ਸਿੱਖ ਸੰਗਤਾਂ ਮੌਜੂਦ ਹਨ, ਭਾਰੀ ਸ਼ਰਧਾ ਤੇ ਉਤਸ਼ਾਹ ਨਾਲ ਯਾਤਰਾ ਦਾ ਸਵਾਗਤ ਕੀਤਾ ਅਤੇ ਰਵਾਨਗੀ ਮੌਕੇ ਵੀ ਸੰਗਤਾਂ ਦਾ ਠਾਠਾਂ ਮਾਰਦਾ ਇਕੱਠ ਮੌਜੂਦ ਸੀ |
