ਨਾਰਾਇਣਗੜ੍ਹ, 23 ਸਤੰਬਰ (ਪੀ. ਸਿੰਘ)-ਨੰਬਰਦਾਰ ਐਸੋਸੀਏਸ਼ਨ ਦੀ ਕਾਰਜਕਾਰਨੀ ਦੀ ਮੀਟਿੰਗ ਨਾਰਾਇਣਗੜ੍ਹ ਤਹਿਸੀਲ 'ਚ ਜ਼ਿਲ੍ਹਾ ਪ੍ਰਧਾਨ ਜਗਮਲ ਦੀ ਪ੍ਰਧਾਨਗੀ ਹੇਠ ਹੋਈ | ਇਸ ਮੌਕੇ ਐਸੋਸੀਏਸ਼ਨ ਦੇ ਸਾਬਕਾ ਪ੍ਰਧਾਨ ਸ਼ਿਆਮ ਸਿੰਘ ਅਤੇ ਵਿਨੋਦ ਸਿੰਘ ਵੀ ਹਾਜ਼ਰ ਸਨ | ਇਸ ਮੌਕੇ ਕਸ਼ਮੀਰੀ ਲਾਲ ਨੰਬਰਦਾਰ ਬਖਤੂਆ ਨੂੰ ਸਬ-ਡਵੀਜ਼ਨ ਨਾਰਾਇਣਗੜ੍ਹ ਦੀ ਨੰਬਰਦਾਰ ਐਸੋਸੀਏਸ਼ਨ ਦਾ ਸਰਬਸੰਮਤੀ ਨਾਲ ਪ੍ਰਧਾਨ ਨਿਯੁਕਤ ਕੀਤਾ ਗਿਆ | ਇਸ ਤੋਂ ਇਲਾਵਾ ਅਨਿਲ ਕੁਮਾਰ ਘੰਡੌਲੀ ਨੂੰ ਉਪ ਪ੍ਰਧਾਨ, ਰਾਜਪਾਲ ਸਿੰਘ ਬੀਬੀਪੁਰ ਨੂੰ ਸਕੱਤਰ, ਮੇਘ ਸਿੰਘ ਨੂੰ ਖਜ਼ਾਨਚੀ ਤੇ ਰਘੁਵੀਰ ਸਿੰਘ ਬਾਲਟੀ ਨੂੰ ਉਪ ਖਜ਼ਾਨਚੀ ਚੁਣਿਆ ਗਿਆ | ਇਸ ਮੌਕੇ ਨੰਬਰਦਾਰ ਕਸ਼ਮੀਰੀ ਬਖਤੂਆ ਨੇ ਐਸੋਸੀਏਸ਼ਨ ਦੇ ਸਾਰੇ ਅਹੁਦੇਦਾਰਾਂ ਤੇ ਮੈਂਬਰਾਂ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਉਹ ਇਸ ਨਵੀਂ ਜ਼ਿੰਮੇਵਾਰੀ ਨੂੰ ਪੂਰੀ ਇਮਾਨਦਾਰੀ ਤੇ ਤਨਦੇਹੀ ਨਾਲ ਨਿਭਾਉਣਗੇ | ਇਸ ਮੌਕੇ ਸਬ-ਡਵੀਜ਼ਨ ਦੇ ਸਮੁੱਚੇ ਨੰਬਰਦਾਰ ਹਾਜ਼ਰ ਸਨ |
