ਕਪੂਰਥਲਾ, 16 ਅਕਤੂਬਰ (ਵਿ.ਪ੍ਰ.)-ਸਰਕਾਰੀ ਪ੍ਰਾਇਮਰੀ ਸਕੂਲ ਆਰੀਆਂਵਾਲ ਵਿਚ ਆਈ.ਡੀ.ਬੀ.ਆਈ. ਬੈਂਕ ਕਪੂਰਥਲਾ ਵਲੋਂ ਕਰਵਾਏ ਗਏ ਇਕ ਸੰਖੇਪ ਜਿਹੇ ਸਮਾਗਮ ਵਿਚ ਬੈਂਕ ਅਧਿਕਾਰੀ ਦੀਵਾਕਰ ਕੁਮਾਰ, ਮੈਨੇਜਰ ਮਨੋਜ ਕੁਮਾਰ, ਦੀਪਕ ਕੁਮਾਰ ਜੋਗੀ, ਪਿੰਡ ਦੇ ਸਾਬਕਾ ਸਰਪੰਚ ਗੁਰਪ੍ਰੀਤ ਸਿੰਘ ਗੋਪੀ ਨੇ ਸਕੂਲ ਦੇ ਬੱਚਿਆਂ ਨੂੰ ਨੂੰ ਡੈਸਕ, ਆਰ.ਓ ਸਿਸਟਮ ਅਤੇ ਪੱਖੇ ਭੇਟ ਕੀਤੇ | ਗੁਰਪ੍ਰੀਤ ਸਿੰਘ ਗੋਪੀ ਤੇ ਸਕੂਲ ਦੇ ਸਟਾਫ਼ ਨੇ ਬੈਂਕ ਅਧਿਕਾਰੀਆਂ ਦੇ ਇਸ ਉਪਰਾਲੇ ਦੀ ਸ਼ਲਾਘਾ ਕੀਤੀ | ਇਸ ਮੌਕੇ ਸੀਮਾ ਅਰੋੜਾ, ਨਵਰੀਤ ਕੌਰ, ਮਨਜਿੰਦਰ ਕੌਰ ਸਾਰੇ ਸਕੂਲ ਦੇ ਸਟਾਫ਼ ਮੈਂਬਰ, ਆਂਗਣਵਾੜੀ ਵਰਕਰ ਜ਼ੀਨਤ, ਬੱਚਿਆਂ ਦੇ ਮਾਪੇ ਆਦਿ ਹਾਜ਼ਰ ਸਨ |
