ਨਵੀਂ ਦਿੱਲੀ, 18 ਫਰਵਰੀ (ਉਪਮਾ ਡਾਗਾ ਪਾਰਥ)-ਲੋਕ ਸਭਾ 'ਚ ਵਿਰੋਧੀ ਧਿਰ ਦੇ ਨੇਤਾ ਰਾਹੁਲ ਗਾਂਧੀ ਨੇ ਇੰਡੀਆ ਏ.ਆਈ. ਸਿਖ਼ਰ ਸੰਮੇਲਨ 'ਚ ਹੋਈਆਂ ਬਦਇੰਤਜ਼ਾਮੀਆਂ ਅਤੇ ਗਲਗੋਟੀਆ ਯੂਨੀਵਰਸਿਟੀ ਦੇ ਚੀਨੀ ਰੋਬੋਟ ਵਿਵਾਦ 'ਤੇ ਬੁੱਧਵਾਰ ਨੂੰ ਮੋਦੀ ਸਰਕਾਰ 'ਤੇ ਹਮਲਾ ਕਰਦਿਆਂ ਕਿਹਾ ਕਿ ਇਸ ਆਲਮੀ ਮੰਚ ਦਾ ਫਾਇਦਾ ਚੁੱਕਣ ਦੀ ਥਾਂ ਮੋਦੀ ਸਰਕਾਰ ਆਪਣੇ ਪ੍ਰਚਾਰ ਲਈ ਇਸਤੇਮਾਲ ਕਰਕੇ ਇਸ ਦਾ ਤਮਾਸ਼ਾ ਬਣਾ ਰਹੀ ਹੈ | ਰਾਹੁਲ ਗਾਂਧੀ ਨੇ ਸੋਸ਼ਲ ਮੀਡੀਆ ਮੰਚ ਐਕਸ 'ਤੇ ਪਾਏ ਇਕ ਸੰਦੇਸ਼ 'ਚ ਕਿਹਾ ਕਿ ਸੰਮੇਲਨ ਨਾਲ ਭਾਰਤੀ ਹੁਨਰ ਨੂੰ ਫਾਇਦਾ ਮਿਲਣਾ ਚਾਹੀਦਾ ਸੀ, ਪਰ ਸਰਕਾਰ ਨੇ ਪੂਰੇ ਸਿਖਰ ਸੰਮੇਲਨ ਨੂੰ ਅਵਿਵਸਥਿਤ ਕਰਕੇ ਇਸ ਨੂੰ ਜਨਸੰਪਰਕ ਦਾ ਤਮਾਸ਼ਾ ਬਣਾ ਦਿੱਤਾ ਹੈ ਅਤੇ ਸੰਮੇਲਨ 'ਚ ਚੀਨ ਹੁਣ ਇਸ ਦਾ ਫਾਇਦਾ ਉਠਾ ਰਿਹਾ ਹੈ | ਰਾਹੁਲ ਗਾਂਧੀ ਨੇ ਕਿਹਾ ਕਿ ਭਾਰਤ ਦੇ ਹੁਨਰ ਅਤੇ ਡੇਟਾ ਦਾ ਫਾਇਦਾ ਚੁੱਕਣ ਦੀ ਥਾਂਅ ਏ.ਆਈ. ਸਿਖ਼ਰ ਸੰਮੇਲਨ ਇਕ ਅਵਿਵਸਥਿਤ ਜਨਸੰਪਰਕ ਤਮਾਸ਼ਾ ਬਣ ਗਿਆ ਹੈ | ਭਾਰਤੀ ਡੇਟਾ ਵਿਕਰੀ ਦੇ ਲਈ ਪੇਸ਼ ਕੀਤਾ ਜਾ ਰਿਹਾ ਹੈ ਅਤੇ ਚੀਨੀ ਉਤਪਾਦਾਂ ਦਾ ਪ੍ਰਦਰਸ਼ਨ ਕੀਤਾ ਜਾ ਰਿਹਾ ਹੈ |
