ਸਰਵੇਖਣ ਦੌਰਾਨ ਹਰ ਵਿਧਾਨ ਸਭਾ ਹਲਕੇ 'ਚ ਸਥਾਨਕ ਮੁੱਦਿਆਂ, ਲੋਕਾਂ ਦੀ ਸਰਕਾਰ ਪ੍ਰਤੀ ਸੰਤੁਸ਼ਟੀ, ਵਿਰੋਧੀ ਪਾਰਟੀਆਂ ਦੀ ਸਥਿਤੀ ਅਤੇ ਭਾਜਪਾ ਦੇ ਸੰਭਾਵਿਤ ਉਮੀਦਵਾਰਾਂ ਦੀ ਹਰਮਨਪਿਆਰਤਾ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਇਕੱਠੀ ਕੀਤੀ ਗਈ | ਪਾਰਟੀ ਵਲੋਂ ਖ਼ਾਸ ਤੌਰ 'ਤੇ ਉਹ ਹਲਕੇ ਚੁਣੇ ਗਏ ਹਨ, ਜਿਥੇ ਭਵਿੱਖ ਵਿਚ ਜਿੱਤ ਦੀ ਸੰਭਾਵਨਾ ਬਣ ਸਕਦੀ ਹੈ | ਸਰਵੇਖਣ ਰਿਪੋਰਟ ਦੇ ਆਧਾਰ 'ਤੇ ਕਈ ਹਲਕਿਆਂ 'ਚ ਨਵੇਂ ਅਤੇ ਜਨ ਆਧਾਰ ਵਾਲੇ ਚਿਹਰਿਆਂ ਨੂੰ ਮੌਕਾ ਦੇਣ ਦੀ ਯੋਜਨਾ ਬਣਾਈ ਜਾ ਰਹੀ ਹੈ | ਮੌਜੂਦਾ ਆਗੂਆਂ ਦੀ ਸਰਗਰਮੀ ਅਤੇ ਜਨ ਸੰਪਰਕ ਦਾ ਵੀ ਮੁਲਾਂਕਣ ਕੀਤਾ ਗਿਆ ਹੈ |
