ਈਰਾਨੀ ਫ਼ੌਜ ਦੇ ਖਾਤਮ ਅਲ-ਅੰਬੀਆ ਕੇਂਦਰੀ ਹੈੱਡਕੁਆਰਟਰ ਦੇ ਬੁਲਾਰੇ ਇਬਰਾਹਿਮ ਜ਼ੋਲਫਾਘਾਰੀ ਅਨੁਸਾਰ ਈਰਾਨੀ ਹਥਿਆਰਬੰਦ ਬਲਾਂ ਨੇ ਸਨਿਚਰਵਾਰ ਨੂੰ ਈਰਾਨ ਦੇ ਤੱਟ ਤੋਂ 1000 ਕਿਲੋਮੀਟਰ (620 ਮੀਲ) ਤੋਂ ਵੱਧ ਦੂਰ ਓਮਾਨ ਦੇ ਸਲਾਲਾਹ ਬੰਦਰਗਾਹ 'ਤੇ ਇਕ ਅਮਰੀਕੀ ਜਲ ਸੈਨਾ ਦੇ ਸਹਾਇਤਾ ਜਹਾਜ਼ 'ਤੇ ਹਮਲਾ ਕੀਤਾ ਗਿਆ | ਇਸ ਤੋਂ ਪਹਿਲਾਂ ਜ਼ੋਲਫਾਘਾਰੀ ਨੇ ਰਿਪੋਰਟ ਦਿੱਤੀ ਸੀ ਕਿ ਈਰਾਨੀ ਫ਼ੌਜਾਂ ਨੇ ਹਮਲੇ ਦੌਰਾਨ ਇਕ ਟੈਂਕਰ ਜਹਾਜ਼ ਨੂੰ ਤਬਾਹ ਕਰ ਦਿੱਤਾ, ਜਦੋਂਕਿ ਤਿੰਨ ਹੋਰਾਂ ਨੂੰ ਨੁਕਸਾਨ ਪਹੁੰਚਾਇਆ ਹੈ | ਜ਼ੋਲਫਾਘਾਰੀ ਨੇ ਧਮਕੀ ਦਿੰਦਿਆਂ ਕਿਹਾ ਕਿ ਇਹ ਖੇਤਰ ਅਮਰੀਕੀ ਫ਼ੌਜੀਆਂ ਲਈ ਕਬਰਸਤਾਨ 'ਚ ਬਦਲ ਦਿੱਤਾ ਜਾਵੇਗਾ |
