ਚੰਡੀਗੜ੍ਹ, 9 ਮਈ (ਪ੍ਰੋ. ਅਵਤਾਰ)-ਸ਼੍ਰੋਮਣੀ ਅਕਾਲੀ ਦਲ ਨੇ ਅੱਜ ਮੰਗ ਕੀਤੀ ਕਿ ਪੰਜਾਬ ਵਿਚ ਆਮ ਆਦਮੀ ਪਾਰਟੀ (ਆਪ) ਦੀ ਸਰਪ੍ਰਸਤੀ ਹੇਠ ਚੱਲ ਰਹੇ ਸਾਰੇ ਜ਼ਮੀਨ, ਬਿਜਲੀ, ਹਾਊਸਿੰਗ ਤੇ ਪ੍ਰਾਪਰਟੀ ਡੀਲਰ ਮਾਫ਼ੀਆ ਦੀ ਸਮਾਂਬੱਧ ਜਾਂਚ ਕਰਵਾਈ ਜਾਵੇ | ਸੀਨੀਅਰ ਆਗੂ ਤੇ ਸਾਬਕਾ ਮੰਤਰੀ ਬਿਕਰਮ ਸਿੰਘ ਮਜੀਠੀਆ ਨੇ ਕਿਹਾ ਕਿ ਕੈਬਨਿਟ ਮੰਤਰੀ ਸੰਜੀਵ ਅਰੋੜਾ ਨੂੰ ਈ.ਡੀ. ਵਲੋਂ ਗਿ੍ਫ਼ਤਾਰ ਕੀਤੇ ਜਾਣ ਨੇ ਸੂਬੇ ਵਿਚ ਚੱਲ ਰਹੇ ਵਿੱਤੀ ਬੇਨਿਯਮੀਆਂ ਦੇ ਘੁਟਾਲੇ ਦਾ ਭਾਂਡਾ ਭੰਨਿਆ ਹੈ | ਉਨ੍ਹਾਂ ਕਿਹਾ ਕਿ ਜੀ.ਐਸ.ਟੀ. ਘੁਟਾਲੇ, ਗੈਰ-ਕਾਨੂੰਨੀ ਦੁਬਈ ਪੈਸੇ ਦਾ ਲੈਣ ਦੇਣ, ਜ਼ਮੀਨਾਂ ਦੇ ਘੁਟਾਲੇ, ਸਭ ਦੀ ਬਾਰੀਕੀ ਤੇ ਸਖ਼ਤੀ ਨਾਲ ਜਾਂਚ ਹੋਣੀ ਚਾਹੀਦੀ ਹੈ |
