ਨਵੀਂ ਦਿੱਲੀ, 5 ਜੂਨ (ਏਜੰਸੀ)-ਸੀ. ਬੀ. ਆਈ. ਨੇ ਸ਼ੁੱਕਰਵਾਰ ਨੂੰ ਦਿੱਲੀ ਦੀ ਇਕ ਅਦਾਲਤ ਨੂੰ ਦੱਸਿਆ ਕਿ ਨੀਟ ਪੇਪਰ ਲੀਕ ਮਾਮਲੇ ਦੀ ਦੋਸ਼ੀ ਮਨੀਸ਼ਾ ਸੰਜੇ ਵਾਘਮਾਰੇ ਨੇ ਪੈਸੇ ਦੇ ਬਦਲੇ ਵਿਦਿਆਰਥੀਆਂ ਨੂੰ ਪ੍ਰਸ਼ਨ ਪੱਤਰ ਵੰਡੇ ਸਨ | ਏਜੰਸੀ ਨੇ ਵਿਸ਼ੇਸ਼ ਜੱਜ ਅਜੇ ਗੁਪਤਾ ਦੇ ਸਾਹਮਣੇ ਇਹ ਗੱਲਾਂ ਰੱਖੀਆਂ, ਜੋ ਵਾਘਮਾਰੇ ਦੀ ਜ਼ਮਾਨਤ ਅਰਜ਼ੀ 'ਤੇ ਸੁਣਵਾਈ ਕਰ ਰਹੇ ਸਨ | ਜੱਜ ਨੇ ਅਰਜ਼ੀ 'ਤੇ ਆਦੇਸ਼ 9 ਜੂਨ ਤੱਕ ਸੁਰੱਖਿਅਤ ਰੱਖ ਲਿਆ | ਸੀ. ਬੀ. ਆਈ. ਵਲੋਂ ਜ਼ਮਾਨਤ ਅਰਜ਼ੀ ਦਾ ਵਿਰੋਧ ਕਰਨ ਬਾਅਦ ਜੱਜ ਨੇ ਏਜੰਸੀ ਵਲੋਂ ਪੇਸ਼ ਵਕੀਲ ਤੋਂ ਪੁੱਛਿਆ ਕਿ ਕੀ ਉਸ ਨੇ ਪੈਸੇ ਦੇ ਬਦਲੇ ਵਿਦਿਆਰਥੀਆਂ ਨੂੰ ਲੀਕ ਹੋਏ ਪ੍ਰਸ਼ਨ ਪੱਤਰ ਦਿੱਤੇ ਸਨ | ਵਕੀਲ ਨੇ ਕਿਹਾ ਕਿ ਉਸ ਨੇ ਵਿਦਿਆਰਥੀਆਂ ਨੂੰ ਫਿਜ਼ਿਕਸ, ਕੈਮਿਸਟ੍ਰੀ ਅਤੇ ਬਾਇਓਲਾਜੀ ਦੇ ਪੇਪਰ ਦੇ ਸਵਾਲ ਦਿੱਤੇ, ਸਾਡੇ ਕੋਲ ਵਿਦਿਆਰਥੀਆਂ ਦੇ ਬਿਆਨ ਹਨ ਕਿ ਉਨ੍ਹਾਂ ਨੇ ਲੀਕ ਹੋਏ ਪੇਪਰ ਦੇ ਬਦਲੇ ਪੈਸੇ ਦਿੱਤੇ ਸਨ, ਵਾਘਮਾਰੇ ਨੇ ਪ੍ਰਸ਼ਨ ਪੱਤਰ ਵੰਡੇ ਸਨ |
