ਮੈਂ ਫਖ਼ਰ ਨਾਲ ਕਹਿੰਦਾ ਹਾਂ ਕਿ ਦਿਮਾਗੀ ਨਕਸਲ ਹਾਂ- ਨਸੀਰੂਦੀਨ ਸ਼ਾਹ

ਮੁੰਬਈ, 28 ਅਕਤੂਬਰ (ਇੰਟ.)-ਅਦਾਕਾਰ ਨਸੀਰੂਦੀਨ ਸ਼ਾਹ ਨੇ ਇਕ ਵਾਰ ਮੁੜ ਕੇਂਦਰ ਸਰਕਾਰ ਨੂੰ ਨਿਸ਼ਾਨਾ ਬਣਾਉਂਦੇ ਹੋਏ ਆਪਣੇ ਫੇਸਬੁੱਕ ਅਕਾਊਂਟ ’ਤੇ ਇਕ ਵੀਡੀਓ ਸਾਂਝੀ ਕੀਤੀ, ਜਿਸ ’ਚ ਉਨ੍ਹਾਂ ਕਿਹਾ ਕਿ ਮੈਂ ਫਖ਼ਰ ਨਾਲ ਕਹਿੰਦਾ ਹਾਂ, ਮੈਂ ਦਿਮਾਗੀ ਨਕਸਲ ਹਾਂ। ਦਿਮਾਗੀ ਨਕਸਲ ਦੇ ਇਲਾਵਾ ਪਤਾ ਨਹੀਂ ਕੀ-ਕੀ ਉਪਨਾਮ ਦਿੱਤੇ ਹਨ ਚੌਂਕੀਦਾਰ ਨੇ ਮੇਰੇ ਵਰਗੇ ਲੋਕਾਂ ਨੂੰ, ਰਾਸ਼ਟਰ ਵਿਰੋਧੀ, ਟੁਕੜੇ-ਟੁਕੜੇ ਗੈਂਗ ਅਤੇ ਪਤਾ ਨਹੀਂ ਕੀ-ਕੀ। ਉਨ੍ਹਾਂ ਕਿਹਾ ਕਿ ਟੁਕੜੇ-ਟੁਕੜੇ ਗੈਂਗ ਜੇਕਰ ਇਸ ਮੁਲਕ ’ਚ ਕੋਈ ਹੈ ਤਾਂ ਉਹ ਇਹ ਨਾਜਾਇਜ਼ ਹਕੂਮਤ ਹੈ ਅਤੇ ਕੀ ਕਰੋਗੇ ਤੁਸੀਂ ? ਸਾਡੇ ਮੁਲਕ ਦੇ ਨੌਜਵਾਨਾਂ ਦੀ ਹਿੰਮਤ ਨੂੰ ਤੋੜਨ ਲਈ। ਸਿੱਖਿਆ ਸੰਸਥਾਵਾਂ ਨੂੰ ਬਰਬਾਦ ਕਰਨ ਲਈ ਅਤੇ ਸਾਡੇ ਲੋਕਤੰਤਰ ਨੂੰ ਖ਼ਤਰੇ ’ਚ ਪਾਉਣ ਲਈ, ਕਿਥੋਂ ਤੱਕ ਜਾਓਗੇ?