ਚੱਬੇਵਾਲ, 13 ਫਰਵਰੀ (ਰਾਜੀਵ ਭਾਰਦਵਾਜ)-ਬੀਤਾਂ ਰਾਤ ਚੱਬੇਵਾਲ ਵਿਖੇ ਮੁੱਖ ਮਾਰਗ 'ਤੇ ਨਵੇਂ ਲੱਗ ਰਹੇ ਗੁੜ ਦੇ ਵੇਲਣੇ ਤੋਂ ਇੰਜਣ ਚੋਰੀ ਹੋ ਗਿਆ | ਇਹ ਵੇਲਣਾ ਪੁਲਿਸ ਥਾਣਾ ਚੱਬੇਵਾਲ ਤੋਂ ਸੌ ਮੀਟਰ ਤੋਂ ਵੀ ਘੱਟ ਦੂਰੀ 'ਤੇ ਹੈ | ਪ੍ਰਾਪਤ ਜਾਣਕਾਰੀ ਅਨੁਸਾਰ ਸਾਬਕਾ ਸਰਪੰਚ ਸ਼ਿਵਰੰਜਨ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਨੇ ਹੁਸ਼ਿਆਰਪੁਰ-ਚੱਬੇਵਾਲ ਮੁੱਖ ਮਾਰਗ 'ਤੇ ਗੁੜ ਬਣਾਉਣ ਵਾਸਤੇ ਨਵਾਂ ਵੇਲਣਾ ਲਗਾਇਆ ਸੀ, ਜਿਸ ਲਈ ਕੱਲ੍ਹ ਇੰਜਣ ਲਿਆ ਕੇ ਰੱਖਿਆ ਸੀ ਅਤੇ ਅੱਜ ਸਵੇਰੇ ਜਾ ਕੇ ਦੇਖਿਆ ਤਾਂ ਇੰਜਣ ਚੋਰੀ ਹੋ ਚੁੱਕਾ ਸੀ | ਉਨ੍ਹਾਂ ਦੱਸਿਆ ਕਿ ਪੁਲਿਸ ਨੂੰ ਸੂਚਿਤ ਕਰ ਦਿੱਤਾ ਗਿਆ ਹੈ |