ਕੋਟਫ਼ਤੂਹੀ, 6 ਜੂਨ (ਅਟਵਾਲ)-ਪਿੰਡ ਕਟਾਰੀਆ ਦੇ ਸਾਬਰ ਪੀਰ ਬਾਬਾ ਬੂੜ ਸਾਹ ਚਿਸ਼ਤੀ ਦੇ ਅਸਥਾਨ 'ਤੇ ਪ੍ਰਬੰਧਕ ਕਮੇਟੀ ਵਲੋਂ ਸੰਗਤਾਂ ਦੇ ਸਹਿਯੋਗ ਨਾਲ ਸਾਬਰ ਪੀਰ ਬਾਬਾ ਬੂੜ ਸ਼ਾਹ ਦੀ ਯਾਦ 'ਚ ਸਾਲਾਨਾ ਦੋ ਦਿਨਾਂ ਜੋੜ ਮੇਲਾ ਬਾਬਾ ਗੁਰਮੀਤ ਰਾਮ ਦੀ ਸਰਪ੍ਰਸਤੀ ਹੇਠ 7 ਤੇ 8 ਜੂਨ ਨੂੰ ਕਰਵਾਇਆ ਜਾ ਰਿਹਾ ਹੈ | ਇਸ ਸੰਬੰਧੀ ਪ੍ਰਧਾਨ ਮਹਿੰਦਰਪਾਲ ਪਟਵਾਰੀ, ਨੰਬਰਦਾਰ ਕੁਲਵਰਨ ਸਿੰਘ ਸਿੱਧੂ, ਉਂਕਾਰ ਚੰਦ ਆਦਿ ਨੇ ਦੱਸਿਆ ਕਿ ਇਸ ਚਾਦਰ, ਝੰਡੇ ਤੇ ਚਿਰਾਗ਼ਾਂ ਦੀ ਰਸਮ ਤੋਂ ਉਪਰੰਤ 7 ਜੂਨ ਨੂੰ ਰਾਤ ਨੂੰ ਮਹਿਫ਼ਲ ਏ ਕੱਵਾਲ ਹੋਵੇਗੀ ਤੇ 8 ਜੂਨ ਨੂੰ ਧਾਰਮਿਕ ਤੇ ਸਭਿਆਚਾਰਕ ਪ੍ਰੋਗਰਾਮ ਵਿਚ ਪ੍ਰੇਮ ਸਾਗਰ, ਕੌਰ ਸਿਸਟਰ, ਰਾਂਝਣ ਅਲੀ, ਰਜਾ ਸਿਸਟਰ, ਵਿਨੀਤ ਆਦਿ ਆਪਣੇ ਫਨ ਦਾ ਮੁਜ਼ਾਹਰਾ ਕਰਨਗੇ |
