ਲੁਧਿਆਣਾ ਦੇ ਕੌਮੀ ਮਾਰਗ ‘ਤੇ ਇਸ਼ਤਿਹਾਰਬਾਜ਼ੀ ਅਤੇ ਕੰਕਰੀਟਕਰਨ ਦਾ ਮਾਮਲਾ ਗਰਮਾਇਆ

ਅ

ਅਜੀਤ ਡੈਸਕ 14-08-2026

ਲੁਧਿਆਣਾ, 13 ਅਗਸਤ (ਭੁਪਿੰਦਰ ਸਿੰਘ ਬੈਂਸ)-ਕੌਮੀ ਮਾਰਗ-05 ਦੇ ਲੁਧਿਆਣਾ ਹਿੱਸੇ ਵਿਚ ਮੁੱਖ ਸੜਕੀ ਮਾਰਗ ਅਤੇ ਸਰਵਿਸ ਲੇਨ ਵਿਚਕਾਰਲੇ ਹਿੱਸੇ ਵਿਚ ਇਸ਼ਤਿਹਾਰੀ ਬੋਰਡ ਲਗਾਉਣ ਅਤੇ ਵੱਡੇ ਪੱਧਰ ’ਤੇ ਕੰਕਰੀਟਕਰਨ ਨਾਲ ਸਬੰਧਿਤ ਮਾਮਲਾ ਐਨ.ਜੀ.ਟੀ. ਤਕ ਪੁੱਜ ਗਿਆ ਹੈ। ਮਾਮਲੇ ’ਚ ਹਰੇ ਕੌਮੀ ਮਾਰਗ ਨੀਤੀ ਅਤੇ ਨਿਰਧਾਰਿਤ ਕਥਿਤ ਕਾਰਜ ਵਿਧੀ ਦੀ ਕਥਿਤ ਉਲੰਘਣਾ ਦੇ ਦੋਸ਼ ਲਗਾਏ ਗਏ ਹਨ। ਮਾਮਲੇ ’ਚ ਦੋਸ਼ ਲਗਾਉਣ ਵਾਲੇ ਧਿਰ ਵਲੋਂ ਦਾਅਵਾ ਕੀਤਾ ਗਿਆ ਹੈ ਕਿ ਉਕਤ ਹਿੱਸੇ ਵਿਚ 17 ਨਿੱਜੀ ਕੰਪਨੀਆਂ ਨਾਲ ਸਬੰਧਿਤ ਇਸ਼ਤਿਹਾਰੀ ਬੋਰਡ ਲਗਾਏ ਗਏ ਅਤੇ ਵੱਡੇ ਪੱਧਰ ’ਤੇ ਕੰਕਰੀਟਕਰਨ ਕੀਤਾ ਗਿਆ। ਇਸਦੇ ਨਾਲ ਹੀ ਲੁਧਿਆਣਾ ਵਿਖੇ ਤੈਨਾਤ ਐਨ.ਐਚ.ਏ.ਆਈ ਦੇ ਪ੍ਰੋਜੈਕਟ ਨਿਰਦੇਸ਼ਕ ਨਾਲ ਕਥਿਤ ਮਿਲੀਭੁਗਤ ਦੇ ਦੋਸ਼ ਵੀ ਲਗਾਏ ਗਏ ਹਨ। ਮਾਮਲੇ ਦੀ ਸੁਣਵਾਈ ਦੌਰਾਨ ਐਨ.ਜੀ.ਟੀ. ਵਲੋਂ ਸੜਕ ਆਵਾਜਾਈ ਅਤੇ ਕੌਮੀ ਮਾਰਗ ਮੰਤਰਾਲੇ, ਐਨ.ਐਚ.ਏ.ਆਈ. ਅਤੇ ਸਬੰਧਿਤ ਨਿੱਜੀ ਕੰਪਨੀਆਂ ਸਮੇਤ ਜਵਾਬਦੇਹ ਧਿਰਾਂ ਨੂੰ ਨੋਟਿਸ ਜਾਰੀ ਕਰਕੇ ਮਾਮਲੇ ਸਬੰਧੀ ਜਵਾਬ ਮੰਗਿਆ ਗਿਆ ਹੈ। ਹੁਣ ਸਬੰਧਿਤ ਧਿਰਾਂ ਵਲੋਂ ਆਪਣੇ ਪੱਖ ਅਤੇ ਜਵਾਬ ਐਨ.ਜੀ.ਟੀ. ਅੱਗੇ ਪੇਸ਼ ਕੀਤੇ ਜਾਣੇ ਹਨ। ਮਾਮਲੇ ਦੀ ਅਗਲੀ ਸੁਣਵਾਈ 15 ਅਕਤੂਬਰ, 2026 ਨੂੰ ਹੋਵੇਗੀ। ਇਸ ਦੌਰਾਨ ਸਬੰਧਿਤ ਧਿਰਾਂ ਦੇ ਜਵਾਬ ਅਤੇ ਮਾਮਲੇ ਨਾਲ ਜੁੜੇ ਤੱਥ ਰਿਕਾਰਡ ਦੇ ਆਉਣ ਦੀ ਉਮੀਦ ਹੈ।

ਪਿਛਲੀ ਖ਼ਬਰ ਲੁਧਿਆਣਾ ਦੀ ਡਰਾਫਟ ਵੋਟਰ ਸੂਚੀ ਜਾਰੀ, 22, ਲੱਖ 67 ਹਜ਼ਾਰ, 911 ਵੋਟਰ ਦਰਜ ਅਗਲੀ ਖ਼ਬਰ ਨੋਵਲਟੀ ਵੀਲਜ਼ ਮਹਿੰਦਰਾ ਵਲੋਂ ਲੁਧਿਆਣਾ ’ਚ ਸਕੋਰਪੀਓ-ਐਨ ਦੀ ਸ਼ਾਨਦਾਰ ਲਾਂਚਿੰਗ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਲੁਧਿਆਣਾ ਦੇ ਕੌਮੀ ਮਾਰਗ ‘ਤੇ ਇਸ਼ਤਿਹਾਰਬਾਜ਼ੀ ਅਤੇ ਕੰਕਰੀਟਕਰਨ ਦਾ ਮਾਮਲਾ ਗਰਮਾਇਆ

Subscribers Only Story

ਸੰਬੰਧਿਤ ਖ਼ਬਰਾਂ