ਨਵਾਂਸ਼ਹਿਰ, 19 ਫਰਵਰੀ (ਹਰਮਿੰਦਰ ਸਿੰਘ ਪਿੰਟੂ)-ਸ੍ਰੀ ਰਾਮ ਸ਼ਰਣਮ ਆਸ਼ਰਮ ਟੀਚਰ ਕਲੋਨੀ ਨਵਾਂਸ਼ਹਿਰ ਵਿਖੇ ਅੰਮਿ੍ਤਬਾਣੀ ਸਤਸੰਗ ਅਤੇ 51 ਦਿਨਾ ਅਖੰਡ ਨਾਮ ਜਾਪ ਮਹਾਂਯੱਗ ਪੂਰਤੀ ਸਮਾਗਮ ਸ਼੍ਰੀ ਰਾਮ ਸ਼ਰਣਮ ਸੰਗਤ ਪ੍ਰਬੰਧਕ ਕਮੇਟੀ ਵਲੋਂ 22 ਫਰਵਰੀ ਦਿਨ ਐਤਵਾਰ ਨੂੰ ਕਰਵਾਇਆ ਜਾ ਰਿਹਾ ਹੈ | ਜਾਣਕਾਰੀ ਦਿੰਦੇ ਹੋਏ ਮਹੇਸ਼ ਅਤੇ ਕਮੇਟੀ ਮੈਂਬਰ ਮਧੂ ਸਹਿਗਲ ਨੇ ਕਿਹਾ ਕਿ ਪ੍ਰਭੂ ਦੀ ਅਪਾਰ ਕਿਰਪਾ ਅਤੇ ਪੂਜਨੀਕ ਸੁਆਮੀ ਸੱਤਿਆਨੰਦ ਮਹਾਰਾਜ ਅਤੇ ਬ੍ਰਹਮਚਾਰੀ ਰਾਮ ਪ੍ਰਕਾਸ਼ ਦੇ ਮੰਗਲਮਈ ਆਸ਼ੀਰਵਾਦ ਨਾਲ ਇਹ ਸਮਾਗਮ ਦੁਪਹਿਰ 12 ਵਜੇ ਤੋਂ 2 ਵਜੇ ਤੱਕ ਚੱਲੇਗਾ | ਸਤਸੰਗ ਤੋਂ ਬਾਅਦ ਚਾਹਵਾਨ ਵਿਅਕਤੀਆਂ ਨੂੰ ਨਾਮ ਦੀਕਸ਼ਾ ਵੀ ਦਿੱਤੀ ਜਾਵੇਗੀ |
