ਪੋਜੇਵਾਲ ਸਰਾਂ, 28 ਫਰਵਰੀ (ਨਵਾਂਗਰਾਂਈ)-ਕੰਢੀ ਨਹਿਰ ਜਿਸ ਵਿੱਚ ਪਾਣੀ ਦੀ ਉਡੀਕ ਵਿੱਚ ਲੋਕ ਕਈ ਦਹਾਕੇ ਤੱਕ ਤਰਸਦੇ ਰਹੇ ਤੇ ਹੁਣ ਆਖਰ ਕਾਰ ਕੰਢੀ ਨਹਿਰ ਵਿੱਚ ਪਾਣੀ ਆਉਣਾ ਸ਼ੁਰੂ ਹੋ ਗਿਆ ਹੈ | ਨਹਿਰ ਦੀਆਂ ਪਾਈਪਾਂ ਦੀ ਲੀਕੇਜ ਨਾਲ ਕਾਫੀ ਪਾਣੀ ਬਰਬਾਦ ਹੋ ਰਿਹਾ ਹੈ | ਪਿੰਡ ਕੁੱਲਪੁਰ ਵਿੱਚੋਂ ਦੀ ਲੰਘ ਰਹੀ ਪਾਈਪ ਲਾਈਨ ਦੇ ਲੀਕੇਜ ਹੋਣ ਨਾਲ ਪਿੰਡ ਕੁੱਲਪੁਰ ਦੀ ਪੰਚਾਇਤੀ ਜਮੀਨ ਵਿੱਚ ਪਾਣੀ ਭਰਿਆ ਹੋਇਆ ਹੈ | ਲੋਕਾਂ ਦੀ ਮੰਗ ਹੈ ਕਿ ਪਾਣੀ ਬੰਦ ਕਰਕੇ ਪਾਈਪ ਲਾਈਨਾਂ ਦੀ ਰਿਪੇਅਰ ਕੀਤੀ ਜਾਵੇ | ਲੋਕਾਂ ਦੀ ਮੰਗ ਹੈ ਕਿ ਪਾਈਪ ਲਾਈਨਾਂ ਨੂੰ ਤੁਰੰਤ ਠੀਕ ਕਰਕੇ ਲੀਕੇਜ ਬੰਦ ਕਰਵਾਈ ਜਾਵੇ ਤਾਂ ਜੋ ਲੋਕਾਂ ਦਾ ਨੁਕਸਾਨ ਨਾ ਹੋ ਸਕੇ | ਇਹ ਪਾਣੀ ਕੁੱਲਪੁਰ ਸੜੋਆ ਲਿੰਕ ਸੜਕ 'ਤੇ ਵੀ ਘੁੰਮ ਰਿਹਾ ਹੈ | ਜਿਸ ਨਾਲ ਵੀ ਲੋਕਾਂ ਨੂੰ ਕਾਫੀ ਸਮੱਸਿਆ ਆ ਰਹੀ ਹੈ |