ਬੰਗਾ, 3 ਮਾਰਚ (ਕਰਮ ਲਧਾਣਾ)-ਐੱਨ.ਆਰ.ਆਈ. ਮੋਹਨ ਸਿੰਘ ਮਾਨ ਅਮਰੀਕਾ ਵਲੋਂ ਕੀਤੇ ਜਾ ਰਹੇ ਸਮਾਜ ਸੇਵੀ ਕਾਰਜਾਂ ਦੀ ਲੜੀ 'ਚ ਸ਼ਾਮਲ ਕਾਰਜਾਂ ਤਹਿਤ ਦੋ ਲੋੜਵੰਦ ਮਰੀਜਾਂ ਨੂੰ ਵ੍ਹੀਲਚੇਅਰ ਭੇਟ ਕੀਤੀਆਂ ਗਈਆਂ | ਲੋੜਵੰਦਾਂ 'ਚ ਪਿੰਡ ਮਾਜਰੀ ਨਿਵਾਸੀ ਮਾਤਾ ਮਹਿੰਦਰ ਕੌਰ ਪਤਨੀ ਨਸੀਬ ਚੰਦ ਤੇ ਪਿੰਡ ਝਿੰਗੜਾਂ ਦਾ ਵਸਨੀਕ ਬਲਬੀਰ ਰਾਮ ਪੁੱਤਰ ਦੇਸ ਰਾਜ ਸ਼ਾਮਲ ਹਨ | ਇਹ ਸੇਵਾ ਕਾਰਜ ਮੋਹਨ ਸਿੰਘ ਮਾਨ ਅਮਰੀਕਾ ਦੇ ਸਹਿਯੋਗੀ ਮੈਡਮ ਬਲਦੀਸ਼ ਕੌਰ ਸੰਸਥਾਪਕ ਸੇਵਾ ਸੋਸਾਇਟੀ ਬੰਗਾ ਅਤੇ ਉਨ੍ਹਾਂ ਦੀ ਟੀਮ ਦੇ ਸਹਿਯੋਗੀ ਸੇਵਾਦਾਰਾਂ ਨੇ ਲੋੜਵੰਦਾਂ ਦੇ ਘਰਾਂ ਤੱਕ ਪਹੁੰਚ ਕਰਕੇ ਇਹ ਸੇਵਾ ਕਾਰਜ ਨੇਪਰੇ ਚੜਾਇਆ | ਇਸ ਮੌਕੇ 'ਤੇ ਉਨ੍ਹਾਂ ਨਾਲ ਸਤਨਾਮ ਸਿੰਘ ਖਟਕੜ, ਸੁਰਿੰਦਰ ਸਿੰਘ ਖੱਟਕੜ, ਗੁਰਵਿੰਦਰਪਾਲ ਸਿੰਘ ਬੰਗਾ, ਮੈਡਮ ਸੁਖਜੀਤ ਕੌਰ ਪੂਨੀਆਂ, ਰਾਜ ਕੁਮਾਰ ਖਾਨ ਖਾਨਾ ਆਦਿ ਸ਼ਾਮਿਲ ਸਨ |
