ਟਾਂਡਾ ਉੜਮੁੜ, 28 ਮਈ (ਭਗਵਾਨ ਸਿੰਘ ਸੈਣੀ)-ਸਿਲਵਰ ਓਕ ਇੰਟਰਨੈਸ਼ਨਲ ਸੀਨੀਅਰ ਸੈਕੰਡਰੀ ਸਕੂਲ ਸ਼ਾਹਬਾਜ਼ਪੁਰ ਵਿਖੇ ਸੀ. ਬੀ. ਐੱਸ. ਈ. ਬੋਰਡ ਵਲੋਂ ਜਾਰੀ ਨਿਰਦੇਸ਼ਾਂ ਦੇ ਅਨੁਸਾਰ ਭਾਰਤੀ ਭਾਸ਼ਾ ਸਮਰ ਕੈਂਪ ਦਾ ਤੀਜਾ ਦਿਨ ਬੜਾ ਹੀ ਦਿਲਚਸਪ ਰਿਹਾ | ਸੰਸਥਾ ਦੇ ਚੇਅਰਮੈਨ ਤਰਲੋਚਨ ਸਿੰਘ ਤੇ ਪਿ੍ੰਸੀਪਲ ਮੁਨੀਸ਼ਾ ਸੰਗਰ ਦੀ ਅਗਵਾਈ ਵਿਚ ਸਕੂਲ ਦੇ ਡਾਂਸ ਟੀਚਰ ਵਿਸ਼ਾਲੀ, ਸੀ. ਸੀ. ਏ. ਵਿਭਾਗ ਦੇ ਬਲਜੀਤ ਕੌਰ ਅਤੇ ਸੁਮਿਤ ਦੀ ਅਗਵਾਈ ਵਿਚ ਬੱਚਿਆਂ ਨੂੰ ਮਰਾਠੀ ਨਾਚ ਤੇ ਮਰਾਠੀ ਸਭਿਆਚਾਰ ਵਿਚ ਵਰਤੇ ਜਾਂਦੇ ਹੋਏ ਸਾਜਾਂ ਬਾਰੇ ਜਾਣਕਾਰੀ ਦਿੱਤੀ ਗਈ | ਬੱਚਿਆਂ ਨੇ ਬੜੇ ਜੋਸ਼ ਦੇ ਨਾਲ ਮਰਾਠੀ ਸੱਭਿਆਚਾਰ ਦੇ ਇਨ੍ਹਾਂ ਦੋ ਪਹਿਲੂਆਂ ਬਾਰੇ ਜਾਣਕਾਰੀ ਹਾਸਿਲ ਕੀਤੀ ਅਤੇ ਉਨ੍ਹਾਂ ਨੇ ਮਰਾਠੀ ਨਾਚ ਸਿੱਖ ਕੇ ਅਧਿਆਪਕਾਂ ਦੇ ਅੱਗੇ ਪੇਸ਼ ਕੀਤਾ | ਪਿ੍ੰਸੀਪਲ ਸੰਗਰ ਨੇ ਦੱਸਿਆ ਕਿ ਸੀ. ਬੀ. ਐੱਸ. ਈ. ਬੋਰਡ ਦੇ ਨਿਰਦੇਸ਼ਾਂ ਅਨੁਸਾਰ ਭਾਰਤੀ ਭਾਸ਼ਾ ਸਮਰ ਕੈਂਪ ਦਾ ਅੱਜ ਦਾ ਇਹ ਤੀਜਾ ਦਿਨ ਸੀ ਜਿਸ 'ਚ ਸਾਡੇ ਬੱਚਿਆਂ ਨੇ ਮਰਾਠੀ ਭਾਸ਼ਾ ਤੇ ਸਭਿਆਚਾਰ ਦੇ ਬਾਰੇ ਕੁੱਝ ਹੋਰ ਰੋਚਕ ਤੱਥਾਂ ਬਾਰੇ ਜਾਣਕਾਰੀ ਹਾਸਿਲ ਕੀਤੀ | ਉਨ੍ਹਾਂ ਦੱਸਿਆ ਕਿ ਪਿਛਲੇ ਦੋ ਦਿਨਾਂ ਤੋਂ ਲਗਾਤਾਰ ਬੱਚੇ ਮਰਾਠੀ ਭਾਸ਼ਾ ਦੇ ਵੱਖ-ਵੱਖ ਪਹਿਲੂਆਂ ਬਾਰੇ ਜਾਣਕਾਰੀ ਹਾਸਿਲ ਕਰ ਰਹੇ ਹਨ | ਇਸ ਮੌਕੇ ਮੈਨੇਜਰ ਗਜਿੰਦਰ ਪਾਲ ਸਿੰਘ ਤਰਨ ਸੈਣੀ, ਕੋਆਰਡੀਨੇਟਰ ਬਿਕਰਮਜੀਤ ਸਿੰਘ, ਅਮਰਜੀਤ ਕੌਰ ਸੈਣੀ, ਜਗਬੰਧਨ ਸਿੰਘ, ਇਕਬਾਲ, ਰਾਜਵੀਰ, ਰਾਜਵਿੰਦਰ, ਕੰਚਨ, ਪਰਮਜੀਤ, ਪੂਜਾ, ਅਨੁਰਾਧਾ, ਨੀਨਾ, ਪਰਵੀਨ, ਮਨਦੀਪ, ਪ੍ਰੀਆ, ਰਜਮੀਤ, ਹਰਮਿੰਦਰ, ਕੁਲਦੀਪ, ਵੀਨਾ, ਹਰਨਾਮ, ਕੁਲਵੀਰ, ਬਲਦੇਵ, ਪੰਕਜ, ਸੁਸ਼ੀਲ, ਰੁਪਿੰਦਰ, ਸੁਰੇਸ਼ ਅਤੇ ਬਾਕੀ ਸਟਾਫ਼ ਮੌਜੂਦ ਸੀ |
