ਢਾਡੀ ਕਸ਼ਮੀਰ ਸਿੰਘ ਕਾਦਰ ਦਾ ਵਿਸ਼ੇਸ਼ ਸਨਮਾਨ

ਮਜਾਰੀ/ਸਾਹਿਬਾ/ਸਮੁੰਦੜਾ, 17 ਜੂਨ (ਚਾਹਲ, ਰੱਕੜ)-ਗੁਰੂ ਹਰਗੋਬਿੰਦ ਢਾਡੀ ਸਭਾ ਪੰਜਾਬ ਦੇ ਨਵੇਂ ਚੁਣੇ ਗਏ ਪ੍ਰਧਾਨ ਕਸ਼ਮੀਰ ਸਿੰਘ ਕਾਦਰ ਦਾ ਗੁਰਦਆਰਾ ਬਾਬਾ ਗੰਗ ਦਾਸ ਗੁਰੂਆਂ ਦੀ ਘਾਗੋਂ ਵਿਖੇ ਪ੍ਰਬੰਧਕ ਕਮੇਟੀ ਵਲੋਂ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਪ੍ਰਬੰਧਕਾਂ ਨੇ ਕਿਹਾ ਕਿ ਢਾਡੀ ਕਸ਼ਮੀਰ ਸਿੰਘ ਕਾਦਰ ਦਾ ਢਾਡੀ ਜਗਤ ਵਿਚ ਵੱਡਾ ਨਾਮ ਹੈ। ਜਿਹਨਾ ਵਲੋਂ ਸਿੱਖ ਇਤਿਹਾਸ ਤੇ ਗੁਰਬਾਣੀ ਦਾ ਚੰਗੇ ਢੰਗ ਨਾਲ ਸੰਗਤਾਂ ਵਿਚ ਵਿਖਆਨ ਕੀਤਾ ਜਾਂਦਾ ਹੈ। ਸਿੱਖ ਕੌਮ ਦੇ ਪ੍ਰਚਾਰਕਾਂ ਨੂੰ ਅੱਜ ਦੇ ਸਮੇਂ ਅੰਦਰ ਸਾਂਭਣ ਤੇ ਮਾਣ-ਸਨਮਾਨ ਦੇਣ ਦੀ ਬਹੁਤ ਲੋੜ ਹੈ। ਇਸ ਮੌਕੇ ਜੋਗਾ ਸਿੰਘ ਇਬਰਾਹੀਮਪੁਰ, ਚਰਨਜੀਤ ਸਿੰਘ ਤੇ ਰੇਸ਼ਮ ਸਿੰਘ ਚੱਕਫੁੱਲੂ, ਗੁਰਪਾਲ ਸਿੰਘ ਸਰਪੰਚ ਰੋੜ ਮਜਾਰਾ, ਬਲਰਾਜ ਸਿੰਘ ਬਗਵਾਂਈ, ਕੁਲਜੀਤ ਸਿੰਘ ਹੁਸੈਨਪੁਰ, ਜਗਤਾਰ ਸਿੰਘ ਨੰਗਲਾਂ, ਅਵਤਾਰ ਸਿੰਘ ਸੁੱਧਾ ਮਾਜਰਾ ਆਦਿ ਹਾਜ਼ਰ ਸਨ।