ਨਸ਼ਿਆਂ ਦੀ ਕੋਹੜ ਰੂਪੀ ਬਿਮਾਰੀ ਤੋਂ ਦੂਰ ਰਹਿ ਕੇ ਨੌਜਵਾਨ ਬਾਣੀ ਤੇ ਬਾਣੇ ਦੇ ਧਾਰਨੀ ਬਣਨ : ਜਥੇ. ਜਸਕਰਨ ਸਿੰਘ ਬੋਇਲ

ਕਟਾਰੀਆਂ, 22 ਅਗਸਤ (ਪ੍ਰੇਮੀ ਸੰਧਵਾਂ) - ਧਾਰਮਿਕ ਖਿਆਲਾਂ ਵਿੱਚ ਹਮੇਸ਼ਾ ਹੀ ਰੁਚੀ ਰੱਖਣ ਵਾਲੇ ਸਮਾਜ ਸੇਵੀ ਤੇ ਬੋਇਲ ਬ੍ਰਦਰਜ਼ ਕਰਿਆਨਾ ਸਟੋਰ ਬੱਸ ਅੱਡਾ ਸੂੰਢ ਦੇ ਮੈਨੇਜਿੰਗ ਡਾਇਰੈਕਟਰ ਜਥੇ. ਜਸਕਰਨ ਸਿੰਘ ਬੋਇਲ ਤੇ ਉੱਘੀ ਸਮਾਜ ਸੇਵਿਕਾ ਮੈਡਮ ਮਨਜਿੰਦਰ ਕੌਰ ਬੋਇਲ ਚੇਅਰਪਰਸਨ ਬੋਇਲ ਬ੍ਰਦਰਜ਼ ਕਰਿਆਨਾ ਸਟੋਰ ਸੂੰਢ ਨੇ ਸਿੱਖੀ ਤੋਂ ਦੂਰ ਹੋ ਕੇ ਨਸ਼ਿਆਂ ਦੀ ਕੋਹੜਰੂਪੀ ਬਿਮਾਰੀ ਵਿੱਚ ਪੰਜਾਬ ਦੀ ਜਕੜ ਹੁੰਦੀ ਜਾ ਰਹੀ ਜਵਾਨੀ ’ਤੇ ਗਹਿਰੀ ਚਿੰਤਾ ਦਾ ਪ੍ਰਗਟਾਵਾ ਕਰਦਿਆਂ ਕਿਹਾ ਕਿ ਅੱਜ ਦੀ ਨੌਜਵਾਨ ਪੀੜ੍ਹੀ ਵਲੋਂ ਮਾੜੀ ਸੰਗਤ ਦਾ ਸ਼ਿਕਾਰ ਹੋ ਕੇ ਕੇਸਾਂ ਦਾ ਕਤਲ ਕਰਵਾਉਣਾ ਇੱਕ ਗੰਭੀਰ ਚਿੰਤਾ ਦਾ ਵਿਸ਼ਾ ਹੈ।