ਗੁਰਦਾਸਪੁਰ, 28 ਫਰਵਰੀ (ਅਸ਼ੋਕ ਸ਼ਰਮਾ)-ਗੁਰਦਾਸਪੁਰ-ਮੁਕੇਰੀਆਂ ਮੁੱਖ ਮਾਰਗ 'ਤੇ ਪੈਂਦੇ ਪਿੰਡ ਚਾਵਾ ਨੇੜੇ ਤਿੱਬੜੀ ਕੈਂਟ ਦੇ ਗੇਟ ਨੰਬਰ 3 ਸਾਹਮਣੇ ਇਕ ਤਰਫ਼ਾ ਭਾਰ ਪੈਣ ਕਰਕੇ ਟਰਾਲਾ ਪਲਟ ਗਿਆ, ਜਿਸ 'ਚ ਜਾਨੀ ਨੁਕਸਾਨ ਹੋਣ ਤੋਂ ਬਚਾਅ ਰਿਹਾ | ਟਰਾਲੇ ਦਾ ਕਾਫੀ ਮਾਲੀ ਨੁਕਸਾਨ ਹੋਇਆ | ਮੌਕੇ 'ਤੇ ਇਕੱਤਰ ਕੀਤੀ ਜਾਣਕਾਰੀ ਅਨੁਸਾਰ ਟਰਾਲਾ ਨੰਬਰ ਪੀ.ਬੀ. 02 ਈ.ਏ. 7181 ਮੁਕੇਰੀਆਂ ਵਲੋਂ ਬੱਜਰੀ ਲੱਦ ਕੇ ਗੁਰਦਾਸਪੁਰ ਆ ਰਿਹਾ ਸੀ ਤੇ ਜਦੋਂ ਉਹ ਪਿੰਡ ਚਾਵਾ ਨਜ਼ਦੀਕ ਸਰਪੰਚ ਢਾਬੇ ਕੋਲ ਪਹੁੰਚਿਆ ਤਾਂ ਉੱਚੀ ਨੀਵੀਂ ਜਗ੍ਹਾ ਹੋਣ ਕਰਕੇ ਟਰਾਲਾ ਹੇਠਾਂ ਧੱਸ ਗਿਆ ਤੇ ਪਲਟ ਗਿਆ | ਇਲਾਕੇ ਦੇ ਲੋਕਾਂ ਨੇ ਦੱਸਿਆ ਕਿ ਟਰਾਲੇ 'ਤੇ ਸਰਕਾਰੀ ਤੌਰ 'ਤੇ ਨਿਸ਼ਚਿਤ ਕੀਤੇ ਲੋਡ ਤੋਂ ਜ਼ਿਆਦਾ ਬੱਜਰੀ ਲੱਦੀ ਹੋਈ ਸੀ, ਜਿਸ ਕਰਕੇ ਨੀਵੀਂ ਜਗ੍ਹਾ ਹੋਣ ਕਰਕੇ ਇਹ ਪਲਟ ਗਿਆ | ਲੋਕਾਂ ਨੇ ਜ਼ਿਲ੍ਹਾ ਪੁਲਿਸ ਪ੍ਰਸ਼ਾਸਨ ਪਾਸੋਂ ਮੰਗ ਕੀਤੀ ਕਿ ਸਰਕਾਰੀ ਨਿਸ਼ਚਿਤ ਕੀਤੇ ਲੋਡ ਤੋਂ ਜ਼ਿਆਦਾ ਭਾਰ ਵਾਲੇ ਟਰਾਲਿਆਂ ਖ਼ਿਲਾਫ਼ ਬਣਦੀ ਕਾਰਵਾਈ ਕੀਤੀ ਜਾਵੇ |