ਪਠਾਨਕੋਟ, 2 ਮਈ (ਸੁਮਿਤ)-ਖ਼ਾਨਪੁਰ ਉੱਤਮ ਗਾਰਡਨ ਕਾਲੋਨੀ ਸਥਿਤ ਗੋਪਾਲ ਮੰਦਰ ਵਿਚ ਭਗਵਤੀ ਦੁਰਗਾ ਮਾਤਾ ਦਾ ਸਥਾਪਨਾ ਦਿਵਸ ਮਨਾਇਆ ਗਿਆ | ਇਸ ਮੌਕੇ ਸ਼ਰਧਾਲੂਆਂ ਨੇ ਮਾਤਾ ਦਾ ਅਸ਼ੀਰਵਾਦ ਪ੍ਰਾਪਤ ਕੀਤਾ | ਜਾਣਕਾਰੀ ਅਨੁਸਾਰ ਮੰਦਰ ਵਿਚ ਮਾਤਾ ਦੁਰਗਾ ਦੀ ਮੂਰਤੀ ਦੀ ਸਥਾਪਨਾ 17 ਸਾਲ ਪਹਿਲਾਂ ਬੀ.ਐਸ. ਭਨੋਟ ਅਤੇ ਰਾਣੀ ਭਨੋਟ ਵਲੋਂ ਕਰਵਾਈ ਗਈ ਸੀ | ਭਨੋਟ ਪਰਿਵਾਰ ਵਲੋਂ ਵਿਧੀ-ਵਿਧਾਨ ਨਾਲ ਪੂਜਾ-ਅਰਚਨਾ ਕੀਤੀ ਗਈ | ਇਸ ਤੋਂ ਬਾਅਦ ਭਜਨ-ਕੀਰਤਨ ਕੀਤਾ ਗਿਆ | ਇਸ ਮੌਥੇ ਵਿਸ਼ਾਲ ਭੰਡਾਰੇ ਦਾ ਵੀ ਆਯੋਜਨ ਕੀਤਾ ਗਿਆ | ਇਹ ਸਾਰਾ ਪ੍ਰੋਗਰਾਮ ਆਨੰਦ ਵਾਹਿਨੀ ਅਤੇ ਗੋਪਾਲ ਸੇਵਾ ਸਮਿਤੀ ਦੇ ਸਹਿਯੋਗ ਨਾਲ ਹੋਇਆ | ਸਮਾਗਮ ਵਿਚ ਸੁਧਾ ਸ਼ਰਮਾ ਵਿਸ਼ੇਸ਼ ਮਾਰਗ ਦਰਸ਼ਕ ਅਤੇ ਮੁੱਖ ਵਕਤਾ ਵਜੋਂ ਹਾਜ਼ਰ ਰਹੇ | ਪ੍ਰੋਗਰਾਮ ਦੀ ਪ੍ਰਧਾਨਗੀ ਨਿਰਮਲਾ ਦੇਵੀ ਅਤੇ ਸੁਦੇਸ਼ ਸ਼ਰਮਾ ਨੇ ਕੀਤੀ | ਇਸ ਦੌਰਾਨ ਸਮਾਜ ਸੇਵਾ ਦੀ ਭਾਵਨਾ ਨੂੰ ਅੱਗੇ ਵਧਾਉਂਦੇ ਹੋਏ ਲੋੜਵੰਦ ਸਕੂਲੀ ਬੱਚਿਆਂ ਦੀ ਫ਼ੀਸ ਲਈ 7000 ਰੁਪਏ ਦੀ ਸਹਾਇਤਾ ਰਾਸ਼ੀ ਦਿੱਤੀ ਗਈ | ਸੁਧਾ ਸ਼ਰਮਾ ਨੇ ਕਿਹਾ ਕਿ ਇਹ ਉਤਸਵ ਸਨਾਤਨ ਸੰਸਕਿ੍ਤੀ ਦੀ ਜੀਵੰਤ ਪਰੰਪਰਾ ਦਾ ਪ੍ਰਤੀਕ ਹੈ ਅਤੇ ਸੱਚੀ ਸ਼ਰਧਾ ਨਾਲ ਜੀਵਨ ਵਿਚ ਸੁੱਖ-ਸ਼ਾਂਤੀ ਪ੍ਰਾਪਤ ਹੁੰਦੀ ਹੈ |
