ਪਠਾਨਕੋਟ, 17 ਮਈ (ਵਿਨੋਦ)-ਡਾ. ਭੀਮ ਰਾਓ ਅੰਬੇਡਕਰ ਵਲੋਂ ਬਹੁਜਨ ਸਮਾਜ ਨੂੰ ਵੋਟ ਦਾ ਅਧਿਕਾਰ ਦਿਵਾਇਆ ਸੀ, ਇਸ ਲਈ ਸਾਨੂੰ ਨਿਗਮ ਤੇ ਕੌਂਸਲ ਚੋਣਾਂ 'ਚ ਜ਼ਰੂਰ ਵੋਟ ਦਾ ਇਸਤੇਮਾਲ ਕਰਨਾ ਚਾਹੀਦਾ ਹੈ | ਉਕਤ ਸ਼ਬਦਾਂ ਦਾ ਪ੍ਰਗਟਾਵਾ ਰਾਸ਼ਟਰੀ ਵਾਲਮੀਕਿ ਧਰਮ ਸਮਾਜ ਦੇ ਪੰਜਾਬ ਪ੍ਰਧਾਨ ਅਮਿਤ ਰੰਧਾਵਾ ਵਲੋਂ ਕੀਤਾ ਗਿਆ | ਉਨ੍ਹਾਂ ਕਿਹਾ ਕਿ ਆਪਣੇ ਵੋਟ ਨਾਲ ਆਪਣਾ ਆਗੂਕਾਰ ਚੁਣਨ ਦਾ ਸਪਨਾ ਜੋ ਬਾਬਾ ਸਾਹਿਬ ਨੇ ਵੇਖਿਆ ਸੀ, ਉਹ ਹਰ ਇਕ ਨੂੰ ਪੂਰਾ ਕਰਨਾ ਚਾਹੀਦਾ ਹੈ, ਇਸ ਲਈ ਆਪਣਾ ਵੋਟ ਜ਼ਰੂਰ ਇਸਤੇਮਾਲ ਕਰੋ | ਰਾਸ਼ਟਰੀ ਵਾਲਮੀਕਿ ਧਰਮ ਸਮਾਜ ਵਲੋਂ ਸਰਬ ਸਮਾਜ ਨੂੰ ਅਪੀਲ ਕੀਤੀ ਜਾਂਦੀ ਹੈ ਕਿ ਸੱਤਾ ਦੇ ਨਸ਼ੇ ਦੇ ਲਾਲਚੀ ਬੰਦੇ ਇਸ ਵੇਲੇ ਆਪ ਜੀ ਦੇ ਨਾਲ ਬਹੁਤ ਵਾਅਦੇ ਕਰਨਗੇ, ਸਮਾਜ ਸੇਵੀ ਹੋਣ ਦੇ ਵਾਅਦੇ ਕਰਨਗੇ, ਇਮਾਨਦਾਰ ਹੋਣ ਦਾ ਸਬੂਤ ਦੇਣਗੇ |
